PIV 2026 · Artikolo 9461

★lito

Litero L★ Fundamenta

Derivaĵoj en la artikolo 16
  1. lite/n
  2. litaĵ/o
  3. akuŝlito
  4. dulita
  5. ellitiĝ/i
  6. enlitiĝ/i
  7. etaĝlito
  8. klaplito
  9. pajl/olito
  10. pend/olito
  11. port1/olito
  12. sof/olito
  13. tabullito
  14. tend/olito
  15. terlito
  16. unulita
★ lito
1 meblo uzata por kuŝe ripozi, dormi aŭ seksumi: parada lito kun silkaj kurtenoj Z la imperiestro tuj elsaltis el la lito Z sur la pieda parto de la lito kuŝis ne la malgranda infano, sed granda malbela rano Z kiu amas la liton, ne akiros profiton Z post ni geamantoj profunda lit’ GWa duloka lito ĝemela lito ➞ lekto, matraco, somiero; kuŝujo; litkadro, litkapo, litkuseno, litvesto.
2 loko, kie kelkaj sovaĝaj bestoj (ekz. leporo) noktas subĉiele. Sin. kuŝejo.
liten al la lito: vi revenis ebria, falis liten kaj dormadis ĝis la nuna horo OE liten, ne militen! estas preferinde amori ol militi
litaĵo ĉio, kio servas por aranĝi liton (matraco, littukoj kaj kovrilo). Sin. sternaĵo 2.
akuŝlito lito, sur kiu naskiĝas bebo.
dulita ĉambro entenanta du litojn: post la anestezo Ŝimalok vekiĝas en dulita ĉambro LBe
ellitiĝi leviĝi el lito.
enlitiĝi kuŝiĝi en lito.
etaĝlito meblo, ĉe kiu unu lito estas lokita super alia lito.
klaplito lito kun metala faldebla framo.
pajlolito nekomforta kuŝejo, kiu konsistas ĉefe el pajlosako.
pendolitohamako.
port1olitolito kun tegmento, kurtenoj kaj stangoj, per kiuj ĝi povas esti portata de homoj aŭ bestoj. ➞ portoseĝo, palankeno.
sofolito sofo, kiu per kelkaj negrandaj modifoj povas iĝi lito por la nokto.
tabullito militista aŭ malliberula lito, kiu konsistas nur el tabuloj: la soldatoj kuŝis sur la tabullito de sia gardista ĉambro Z
tendolito lito por sportisto, tendumanto k.s.
terlito masonaĵo el nebakitaj brikoj, en kiun oni enkondukas fumon el forno por ĝin varmigi, kaj sur kiu oni dormas nokte kaj sidas tage en orientaj landoj.
unulita ĉambro enhavanta unu liton: la kosto de la studado, manĝado kaj loĝado en unulita, moderna ĉambro por 4 monatoj estas ĉ. 1500 dolaroj OE