PIV 2026 · Artikolo 4767
framo
Derivaĵoj en la artikolo 4
framo
1 TEKN ĉefa strukturo de objekto (ofte ia interna trabaro), kiu portas la ceterajn partojn kaj donas al ili formon: mi vidis tablon, el kiu restis nur ĝia framo SSz framo de brakseĝo framo de meĥanika segilo framo de maŝino gisa framo de piano ➞ ĉasio, kadro, skeleto 4.
2 (figurasence) struktura plano aŭ bazo de projekto: la noveloj kaj rakontoj de Baghy neniam havas tre komplikan framon TCa multaj aliaj similaj «atentigoj» pri Esperanto trovas sian lokon en la framo de la organizita informado ILa ➞ kadro 3.
distribuframo TELE metala framo, ĉe kiu la ekstremaĵoj de la eksteraj aŭ internaj lineoj de telefoncentralo estas aranĝitaj kaj kiu ebligas laŭbezonajn konektojn.
fenestroframo tuto de la sistemo, ordinare ligna, kiu estas fiksita al la masonaĵo kaj entenas la fenestroklapojn.
masframo ELEK metala framo de elektraj aparatoj, uzata kiel maso.
pianoframo bronza, gisa aŭ ŝtala parto de piano, kiu eltenas la tutan streĉon de la kordaro: duonframo, tuta framo, kruckorda framo kaj memporta framo estas specoj de pianframo