PIV 2026 · Artikolo 15887
★trakti
Derivaĵoj en la artikolo 16
★ trakti tr
1 diskuti pri la kondiĉoj de iu afero por finveni al interkonsento: trakti kun la venkinto pri la paco B trakti negocon kun iu mi sciis ja, ke kun virin’ mi traktas Z trakti kun ia ekstera institucio pri reformoj la Lingva Komitato ne havas la rajton Z ni devas trakti kun la Delegacio Z la admiralo estis sendita por trakti pri la aĉeto Z
2 agi aŭ konduti en tia aŭ tia maniero kontraŭ iu aŭ io: ĉu riĉeco donas rajton trakti ofende tiujn, kiuj ĝin ne posedas? Z alie la mondo traktus ŝin pli severe Z trakti iun kiel krimulon la kongreson mi ĉiam traktas ne kiel diskutantan kaj decidantan, sed nur kiel donantan sian sankcion Z ili montras jam per tio, kiel malserioze ili traktas la aferon Z trakti la esperantismon kiel ideon Z trakti sian taskon serioze Z hom’, kial traktas tiel vi la arton? KKa ➞ preni, konsideri, rilati.
3 metode esplori, disvolvi kaj klarigi temon: tiun problemon oni povas trakti en diversaj manieroj Zamenhof traktis la psikologian flankon de la antisemitismo, sed ne ĝian sociologian aspekton mi sendos miajn konsilojn pri la traktotaj punktoj Z estis tro longe trakti ĉi tie tian aferon
(analoge) la teatraĵo traktis pri du geamantoj Z la verko traktas precipe pri pedagogio
Sin. pritrakti. ➞ raporti.4 modifi ion aŭ iun per fizika aŭ psika rimedo:
MEDI trakti malsanulon per antibiotikoj la psikiatro traktis la pacienton per hipnota metodo
TEKN oni povas solvi la substancon, traktante ĝin per acido trakti metalon per varmigado, martelado
KOMP trakti alklakontrakto, traktado ago aŭ vortoj de iu, kiu traktas:
1 ĉia traktado kun la Delegacio estas nun ne ebla Z
2 ni ne povis elteni tian traktadon de la flanko de tiaj malkleruloj
3 la traktado de la unua problemo estas tre supraĵa kaj maldetala
4 traktado de iaj formoj de frenezo per ĥemiaj produktoj
traktadi daŭre aŭ ripete trakti:
1 la plej bona estos, se Vi tute ĉesos traktadi kun la firmo Z
2 li nin ĉiujn traktadis kiel senvalorajn bestojn Z ili traktadis ŝin kiel sian propran infanon Z
traktaĵo verko, en kiu oni traktas demandon: la traktaĵoj de Zamenhof pri homaranismo
datumtraktilo KOMP procesoro.
ektrakti komenci traktadon kun kontraŭa partio, anaro, armeo k.s.
eventotraktilo KOMP funkcio programita por respondi al evento 3.
interrompotraktilo KOMP funkcio programita por respondi al interrompo 2.
intertrakti ntr trakti inter pluraj personoj aŭ partioj: nun ni reciproke intertraktu! Z
intertrakto, intertraktado ago de personoj, kiuj intertraktas: Zamenhof rifuzis intertrakton pri reformoj EDr ili postulos de ni tian saman intertraktadon Z
makro1traktilo KOMP komputila programo, kiu kopias tekston anstataŭigante makroojn 1 per la respondaj difinoj.
pritrakti trakti 3: la temo estis jam plurfoje pritraktita
retrakti FIZI KEMI EKOL prilabori brulelementojn, precipe cele al reuzo de nekonsumita brulaĵo.
retraktado FIZI KEMI EKOL traktado tion, kion oni jam traktis: akcidento okazis dum retraktado por gajni plutonion-239 WFu
retraktejo FIZI KEMI EKOL instalaĵo, kie uzitaj brulelementoj de atomreaktoroj estas traktataj per ĥemiaj procezoj por apartigi elementojn (re)uzeblajn por reaktoro (uranion aŭ plutonion) aŭ bomboj (plutonion-239) aŭ por sciencaj celoj (transuraniajn elementojn aŭ fendoproduktojn) dis de radioaktiva rubo:akcidento kun liberigo de rutenio-106 okazis en retraktejo en Tomsk WFu Sin. reprocezejo.