PIV 2026 · Artikolo 8316
★konsideri
Derivaĵoj en la artikolo 9
★ konsideri tr
1 atente esplori ion ĉiuflanke en la menso: la faraono apogis la kapon sur la mano, konsideris momenton kaj diris B antaŭ ol agi, konsideru la sekvojn de via ago li konsideris, ke tia kapablo havas pli grandan indon, ol ĉio FE malpli esperu, pli konsideru Z Sin. prikonsideri 1. ➞ esplori, mediti, pripensi.
2 zorge atenti ion kiel motivon decidigan por agi aŭ kiel alprenindan decidon: «min oni ja ankaŭ povus konsideri!» diris la hirundo Z ĉu en tia okazo se mi tradormis duonon de la tempo en la patrujo mi povas esti konsiderata? Z ne konsideru mian opinion, sed agu, kiel plaĉos al vi eble oni konsideros tiun ĉi sugeston ĉe venontaj eldonoj ni petas vin konsideri tiun karavanon por viaj kongres-aranĝoj ili konsideris, ke ne estas inde perdi tempon por la lernado de lingvo Z nun li devas konsideri rezignon de sia ofico konsideri personojn kaj ne nur pravecon de la partioj ĉe juĝado estas ne bone MT li foriris, ne konsiderante la doloron de siaj gepatroj ankaŭ tiu argumento devas esti konsiderata Sin. prikonsideri 2. ➞ kalkuli 6.
3 rigardi 6: Zamenhof konsideris kiel krimon, forŝiri iun homon de lia kredo EPr Poppaea konsideris ŝin nur kiel humilan servantinon LiZ la sicilian, aparte, oni eble devus konsideri kiel apartan lingvon BKe tiun duan problemon ni jam povas konsideri kiel solvitan Ko ŝi konsideradis tiun ĉi ringon kiel ringon de fianĉiĝo FK niajn diojn ili konsideras malbonaj spiritoj LiZ tio restis stila strangaĵo, kiun oni konsideras fremda por Esperanto JWe Clarke sin konsideras gasto en la lando ATi
konsidere kun konsidero al: konsidere la zorgojn, kiuj ŝin ĉirkaŭis, la manĝo ne povis okupi grandan lokon en ŝiaj pensoj Z ➞ pro, koncerne, rilate.
konsidero
1 funda esploro de io per la menso: longa konsidero savas de sufero Z post mallonga konsidero ŝajnis al li, ke B partopreni en la laboroj kaj konsideroj de la elektantoj Z konsideroj pri la grandeco kaj dekadenco de la romanoj la konsideroj de leĝo la konsideroj de juĝdecido tiaj kredeble estis la konsideroj, kiuj igis la episkopon eldoni Z ĉiu el la premioj estas donita nur laŭ tute justaj konsideroj! Z specialaĵo bazita sur pure praktikaj konsideroj Z
2 atento, kiun oni donas al iu el difinita motivo: montri konsideron al iu ŝi certe postulus por si iajn apartajn konsiderojn Z Sin. konsidereco.
konsiderado longa aŭ daŭra konsidero: ĝi povis rigardi en la ĝardenon, tial ĝi havis sufiĉe da floroj kaj kreskaĵoj por konsiderado Z kiu li estas en la konsiderado el la vidpunkto de rango? Z ŝi nur malofte zorgadis pri abstraktaj konsideradoj Z li daŭrigis siajn metafizikajn konsideradojn
konsidereco konsidero 2: se vi hezitas plenumi la postulon de ĉi tiu sinjorino pro konsidereco rilate min Z
konsiderema serioza kaj pripensema.
konsiderinda tiel grava, ke ĝi meritas konsideron: konsiderinda argumento nekonsiderinda argumento
prikonsideri tr
1 konsideri 1: okazis kunsido por prikonsideri organizadon de la 100-jara jubileo de la organizita japana Esperanto-movado OE kiel ateisto, Cherpillod ne timas prikonsideri religiajn temojn PGr
2 konsideri 2: la eldonejo iomete miskalkulis kaj ne prikonsideris, ke produkti pli multajn paĝojn postulas ankaŭ pli multan tempon SMa oni devas prikonsideri fizikajn handikapulojn MGu
rekonsideri denove konsideri ion, kion oni jam decidis: la konsilantaro rekonsideris la decidon de la antaŭa kunveno
senkonsidera
1 senceremonia aŭ senpripensa: ĵetinte ĉi tiujn senkonsiderajn vortojn, la kronprinco haltis terurita B
2 havanta nenian respekton al iu: senkonsidera egoisto, kiu zorgis nur pri si mem LiZ