PIV 2026 · Artikolo 4098
★esplori
Derivaĵoj en la artikolo 15
★ esplori tr
1 trairante pririgardi ion por malkovri nekonatan aŭ eltrovi kaŝitan aferon: esplori dezertan insulon esplori polusan regionon esplori kavernon li esploris ĉiujn ĉambrojn de la kastelo
(analoge) rigarde esplori la noktan ĉielonli esploris paperon CRo mi esploris lian vizaĝon, serĉante ian signon pri tio, kio okazas interne de lia kapo ALö li esploris iom la fundon de la glaso drinkis Z
➞ skolti.2 peni malkovri ion nekonatan aŭ nesciatan: la kesto iris antaŭ ili , por esplori por ili lokon de ripozo MT ŝipoj estis elsenditaj por esplori, kiel malproksimen la homoj tie povas penetri Z ni esploru inter ni, kio estas bona MT esplori, kion kaŝas la koro de l’ knabino B ➞ elserĉi.
3 (figurasence) atente konsideri ion por malkovri ies sekreton: ni trarigardu kaj esploru nian konduton MT ĉiujn korojn la Eternulo esploras MT esploru min, ho Eternulo, kaj elprovu min MT la popolo eliru , por ke Mi esploru ĝin, ĉu ĝi sekvos Mian leĝon MT ➞ ekzameni, sondi.
4 SCIE science, metode kaj ree ekzameni objekton, temon aŭ regionon de la sciado por trovi ion nekonatan: esplori la originon de la homaro GMc unu el la scienculoj, kiuj esploris la lingvon el tiu vidpunkto ILa
5 MEDI observi ion per apartaj procedoj aŭ instrumentoj por malkovri aŭ lokalizi difekton: esplori vundon esplori doloran regionon ĝi esploras ĉiujn internaĵojn de la korpo MT al ĉevalo donacita oni buŝon ne esploras Z esplori, ĉu ne ekzistas ia sufero de la larmaj vojoj duktoj Z ➞ aŭskultumi, sondi.
6 JURO fari la necesajn pridemandojn kaj enketojn por ke afero povu esti juĝata: la juĝistoj bone esploru; kaj se montriĝos, ke la atestanto estas MT juĝan aferon de homoj nekonataj mi esploradis MT (analoge) esplori akuziton
esplora rilata al esploroj: li rigardis la virinon per rigardo atenta, preskaŭ esplora Z esplora komitato esplora metodo
esplorointelekta peno aŭ laboro farita por trovi ian scion, veron aŭ sekreton, aŭ por studi demandon: esploro de iu pri io esploroj pri la floro kaj faŭno de la Silenta Oceano Pacifiko FK por fremda koro ne ekzistas esploro Z farado de esploroj super la funkciado de la stomako FK revuo de arĥeologiaj esploroj Centro de Esploro kaj Dokumentado
esplorado
1 longa aŭ ripetata esploro: la esplorado de la migroj de iaj fiŝoj la esplorado de kosmaj radioj la esplorado de la komploto
2 SCIE tuto de la intelektaj laboroj por malkovri novajn sciojn aŭ leĝojn: instituto por scienca esplorado la pura esplorado teoria esplorado aplikata esplorado
lumradi1a esplorado procedo kutima en radiovidado,laŭ kiu oni laŭvice fokusigas lumon el ĉiu parteto de la elsendota bildo sur lumelektran tubon por produkti kurenton, kies intenso estas proporcia al la brileco de tiu parteto.
esplorema inklina al esploroj: esplorema spirito esplorema demandado
esploristo
1 iu, kies okupo estas esplori: pri nia afero povas juĝi nur esploristoj praktikaj Z
2 JURO juĝisto de enketo.
dopleresploro MEDI uzo de ultrasono por konstati la eston, direkton kaj rapidon de sangofluo en vaskuloj kaj en la korkavoj.
elesplori lerte akiri informojn de iu, kiu ne volas ilin doni: vi volus elesplori min kaj kapti min en reton Z
ercesploristo specialisto, kiu esploras grundon por trovi ercon. ➞ prospektoro.
grundesploristo specialisto, kiu esploras grundon por trovi mineralojn, metalojn, fosiliojn ktp.
merkatesploro tuto de la teĥnikoj, kiuj, esplorinte la bezonojn kaj psikologion de la konsumantoj, ebligas adapti al ili difinitan produktaĵon kaj difini por ĝi plej kontentigan merkaton.
naturesplori
1 studi natursciencon.
2 kolekti naturajn specimenojn.
neesplorebla tia, ke oni ne povas ĝin esplori: la nombro de Liaj jaroj estas neesplorebla MT neesploreblaj grandaĵoj MT la koro de reĝoj estas neesplorebla MT
operaciesploro en industrio kaj ekonomiko la evoluigo kaj apliko de matematikaj metodoj por plibonigi decidofaradon.
oresploristo specialisto, kiu esploras grundon por trovi oron.