PIV 2026 · Artikolo 14538

sondi

Litero S

Derivaĵoj en la artikolo 9
  1. sondo
  2. sondad/o
  3. sondil/o
  4. eĥ/osondil/o
  5. nesondebl/a
  6. opiniosondo
  7. opiniosondad/o
  8. plumb/osondil/o
  9. radi2/osondil/o
sondi tr
1 mezuri per tiucela aparato la profundecon de io: sondi maron sondi lagon sondi riveron ĉe tiu trapasejo estas necese sondi ofte
2 esplori la konsiston de grundo aŭ aertavolo per tiucelaj aparatoj: sondi la marfundon sondi la altan atmosferon
3 esplori aŭ dilati per sondilo diversajn organojn kaj naturajn kanalojn: sondi uretron ➞ katetero.
4 (figurasence) prove esplori: mi dezirus sondi la opinion de la francaj gazetoj Z vi spionas, sondas, kiu plej multe insultas la registaron Z mi flugas al la urbo, mi sondas ĉe la kortego Z
sondo, sondado ago sondi.
sondilo
1 TEKN MARN aparato por sondi, konsistanta aŭ simple el ŝnuro kun plumbo ĉe la ekstremo, aŭ el vinĉo kun ŝtala fadeno kaj plumbo kun vitra tubo en latuna tubingo. Sin. plumbofadeno 2, plumbosondilo. ➞ balono.
2 MEDI ilo, ĝenerale tubforma, per kiu oni esploras vundojn aŭ korpajn kanalojn, aŭ per kiu oni malplenigas aŭ purigas organajn kavojn: ezofaga sondilo
3 BIOL molekulo de nuklea acido, markita per radioaktiva aŭ fluoreska etikedo 2, kiu ligiĝas specife kun unu geno kaj tiel videbligas ties lokiĝon.
eĥosondilo aparato por esplori profundecon per elsendo de sono kaj registro de la eĥo. ➞ eĥolokalizilo.
nesondebla tiel profunda, ke oni ne povas ĝin sondi: (figurasence) nesondebla nesciado
opiniosondo, opiniosondadooperacio, per kiu oni provas ekkoni la ĝeneralan opinion, pridemandante malgrandan nombron da tiucele selektitaj personoj. ➞ muestro, statistiko.
plumbosondilo sondilo 1.
radi2osondilo METE aparato por mezurado de aerpremo, temperaturo kaj simile, kiu estas portata de veterbalono aŭ ellasata el aviadilo, kaj kiu sendas la kolektitajn informojn per radio ② 1.