PIV 2026 · Artikolo 1596
balono
Derivaĵoj en la artikolo 7
balono
1 aerostato: libera balono direktebla balono (figurasence) nian broŝuron ni sendis nur kiel «provan balonon» ➞ provbalono Z
2 malpeza ludilo el kaŭĉuko, kiun oni plenigas per aero aŭ malpeza gaso kaj tenas per maldika ŝnureto: jen ridantaj infanoj, junaj loĝantoj de la urbo, tenantaj balonojn PWi
3 KEMI ĉiaspeca ronda ujo, precipe el vitro, uzata en laboratorioj: balono da oksigeno frakciiga balono distila balono ➞ ampolo, bokalo, flakono, retorto.
aerbalono aerostato: la alpa pejzaĝo, kun aerbalonoj, montras la belon de Svislando MGr
distilobalono KEMI vitra laboratoria distilujo.
katenobalono balono alligita al la tero per kablo.
provobalono, prova balono
1 METE HIST malgranda balono lanĉita por determini la direkton de la ventoj en la alta atmosfero, antaŭ ol homoj supreniros en alia balono.
2 (figurasence) eksperimento aŭ eksperimentaĵo por sondi la opinion de la publiko pri nova afero: en la komenco de tiu ĉi jaro aperis la unua broŝuro pri la homaranismo, kiu devis esti nur prova balono, por aŭskulti diversajn opiniojn Z la unua broŝuro estis provbalono, posta eldono restis sen adekvata disvastigo CMi
sondobalono METE balono provizita per registriloj, kiun oni sendas en la altan atmosferon.