PIV 2026 · Artikolo 12165

1★piki

Litero P★ Fundamenta

Derivaĵoj en la artikolo 25
  1. pika
  2. pike
  3. piko
  4. pikad/o
  5. pikant/a
  6. pikant/ec/o
  7. pikem/a
  8. piket/ad/o
  9. pikiĝ/i
  10. pikil/o
  11. pikpiki
  12. alpiki
  13. bek1piki
  14. dent/opikil/o
  15. ekpiki
  16. elpiki
  17. enpiki
  18. enpikiĝ/i
  19. flank/opiko
  20. glavopiki
  21. korn/opiki
  22. trapiki
  23. trapikiĝ/i
  24. trapikil/o
  25. verm/opikit/a
1 ★ piki tr
1 penetrigi ion pintan en objekton aŭ korpon, pli aŭ malpli profunde: piki sapobobelon piki pneŭmatikon piki al si la fingron per kudrilo piki ĉevalon per sprono li pikis lin en la koro per sia ponardo ➞ pikmortigi.
2 besto aŭ planto vundi per pinta organo: unu el la abeloj pikis lin en la mano Z se iu apogis sian manon al muro kaj lin pikas serpento MT ĝi vino mordas kiel serpento
Kaj pikas kiel vipuro MT
korvo al korvo okulon ne pikas Z pikite de dornoj ➞ vermopikita.
3 malagrable kaj akre eksciti la sensojn: frosto pikis la vizaĝojn la suno pikas pikas al mi en la flanko mustardo pikas la langon (proprasence kaj figurasence) piki al iu la vundan lokon Z
4 (figurasence) incite aŭ ekscite tuŝi la senton: la punca damasko de la mebloj pikis la lacajn okulojn de la laboristinoj Z malviva korpo neaktiva komitato, kiu al ĉiu pikas la okulojn Z kriis la tuta popolo. Tio ĉi pikis la reĝon Z al vi oni predikas, kaj nin oni pikas Z geamantoj sin pikas kvereletas Z min pikas la dubo, ĉu pikita de envio pikita de la riproĉoj
pika tia, ke ĝi pikas la sensojn aŭ la sentojn: pika urtiko la pika sagaca ironio de Voltero pika originaleco de ia stilo ➞ morda.
pike en pika maniero: frapi pike kaj tranĉe pike riproĉi iun
piko ago piki kaj ties rezulto: vidi la pikojn de l’ kudrilo B la aglon murde trafis piko
de sag’ KKa
kulo nenion valoras, sed ĝia piko doloras Z pro vorta piko ofte perdiĝas amiko Z piko de konscienco ➞ pento, rimorso ➞ piko 2.
pikado daŭraj ripetitaj pikoj: la ĉevalo, incitita de la pikado de la insektoj, furioze forkuris (figurasence) ĉar tedis jam al mi la konstanta pikado pro mia kunlaborado en la «Revuo» Z
pikanta faranta pikon: pikanta dorno MT KUIR salmo kun pikanta saŭco pikanta novelo de Bokaĉo B
pikanteco eco de io pikanta: la pikanteco de la situacio ridigis ĉiujn
pikema sprite aŭ incite mokema: vi estas tre pikema, princo Z
piketado MEDI sento pri tre delikataj pikoj: senti piketadon en la gorĝo aŭ la okuloj pro la fumo
pikiĝi iĝi pikita: «aj!» ekkriis unu el ili, pikiĝinte per la flikilo Z pingloj, je kiuj oni pikiĝas Z
pikilo
1 ilo por piki: pikilo de ŝuisto pikilo por la fajro ➞ dentopikilo.
2 la pika parto de objekto: pikilo de sago pikilo de lanco pikiloj ĉe la supro de krado
3 organo de bestoj aŭ plantoj, per kiu ili pike vundas: la pikiloj de la abeloj Z pikiloj de erinaco rozo diras: per pikiloj mi disŝiros
Tuj la manon vian Z
pikpiki ntr
1 sin paŝti, bekante grajnojn k.s. en la tero: kolomboj pikpikas kokinoj pikpikas
2 gorĝo, okuloj k.s. senti piketadon.
alpiki fiksi ion aŭ iun pikante: alpiki papiliojn sur korkoj Saul intencis alpiki per la lanco Davidon al la muro MT
bek1piki piki ion per beko.
dentopikilo ligna spliteto por purigi inter la dentoj. Sin. dentopinglo.
ekpiki subite piki ion: sinjoro ekpikas sian ĉevalon per sprono Z la nomo de la homo amita kaj perdita ekpikis la vundon de ŝia koro Z
elpiki
1 eligi ion pikante: li elpikis la kuglon el la ligna fosto
2 krevigi per pikilo: okulon elpikos korvoj kaj formanĝos aglidoj MT la Filiŝtoj kaptis lin kaj elpikis liajn okulojn MT
enpiki enigi ion pikante: vi varmigos serpenton, ĝi al vi enpikos la denton Z enpikita skribo tatuo
enpikiĝi iĝi enpikita: sed David forsaltis de Saul, kaj la lanco enpikiĝis en la muron MT
flankopiko MEDI liendoloro.
glavopiki tr vundi iun aŭ ion per la pika parto de glavo.
kornopiki piki ion per korno.
trapiki trabori ion pikante: Hamleto trapikas la reĝon Z li trapikis al li per tranĉilo la gorĝon Z ŝi trapikis truon en la folio Z
(figurasence) eĉ pinglo povas koron trapiki Z ĉielo trapikita de steloj
trapikiĝi iĝi trapikita: veziko trapikiĝas pneŭmatiko trapikiĝas
trapikilo = (prefere) rostostango.
vermopikitaŝtofo tia, ke ĝin formanĝis vermoj aŭ tineoj.