PIV 2026 · Artikolo 10612

★mordi

Litero M★ Fundamenta

Derivaĵoj en la artikolo 12
  1. morda
  2. mordo
  3. mordaĵ/o
  4. mordant/a
  5. mordant/o
  6. mordet/i
  7. acidmordi
  8. ĉirkaŭmordi
  9. demordi
  10. elmordi
  11. formordi
  12. ranmordo
★ mordi tr
1 ŝiri aŭ vundi ion per la dentoj: hundo mordis en la piedo la plej junan sinjoridon Z kiu bojas, ne mordas Z cimoj mordas kiel hundoj Z ĝi mordas kiel serpento MT la infano gratis kaj mordis kiel sovaĝa kateto Z mordi rekte en la pomon mordi panon B (figurasence) la profetoj, kiuj mordas per siaj dentoj kaj predikas pacon MT mordi la polvon fali sub batoj ➞ piki 1.
2 TEKN diversmaniere ataki la supraĵon de materialo por ŝanĝi ties ecojn: mordi feron per sulfata aŭ fosfata acido mordi lignon per solvaĵo de kolorilo mordi krudan teksaĵon nitrata acido servas por mordi la kupran platon de gravuro ➞ korodi.
3 MARN TEKN kaptoteni:la ankro mordas aŭ: ne mordas en la grundo du dentradoj, kiuj ne sufiĉe mordas
morda mordanta.
mordo ago de persono, besto aŭ objekto, kiu mordas: la serpento, de kies mordo mortis via patro Z (proprasence kaj figurasence) en unu sako du katoj, ĉiam mordoj kaj gratoj Z ili estas en akordo, kiel peto kaj mordo ege malsimpatias Z firma mordo de tenajlo ➞ mordovundo.
mordaĵo
1 peco detranĉita per mordo el io: dika mordaĵo da pano
2 transversa stangeto, kiun oni ŝovas en la buŝon de ĉevalo por direkti ĝin per alfiksitaj bridoj. Sin. enbuŝaĵo. ➞ brido.
mordanta (figurasence) akre doloriga: ŝi videble elploris parton de tiuj mordantaj sentoj, kies kruela atako ŝin senfortigis Z ŝi aldonis ankoraŭ multe da aliaj aferoj, kiuj estis tre mordantaj Z mordanta sarkasmo ➞ kaŭstika, koroda.
mordanto
1 KEMI substanco, per kiu oni pritraktas la fibrojn de kruda teksaĵo, por ke tinkturo povu fiksiĝi sur ĝi.
2 MUZI speco de interrompita trilo.
mordeti
1 senŝire, singarde aŭ petole mordi ion: fiŝo mordetas la logaĵon hundeto mordetas pantoflon mordeti la orelon de sia amatino
2 ronĝi: ŝi boras kaj mordetas kiel vermo Z
acidmordi mordi ion per acido. ➞ korodi.
ĉirkaŭmordi mordi molan parton de io ĉirkaŭ malmola parto: la malsato vin devigos ĉirkaŭmordi viajn proprajn ostojn Z ĉirkaŭmordi viandon ĉirkaŭ osto ĉirkaŭmordi maizospikon
demordi deigi per mordo parton el tutaĵo: la abomeninda buldogo demordis al ĝi la kapon Z
elmordi estigi ion per mordo: en la palma folio ĝi elmordis truon Z
formordi detrui ion per mordoj: formordu al vi la langon mutiĝu! Z
ranmordo speco de hidrokarito el Eŭropo kaj orienta Azio. specio Hydrocharis morsus-ranae Sin. ranmorda hidrokarito.