PIV 2026 · Artikolo 5123

1★gento

Litero G★ Fundamenta

Derivaĵoj en la artikolo 11
  1. gento/j
  2. genta
  3. aligenta
  4. aligentan/o
  5. aligentul/o
  6. ĉefgento
  7. diversagenta
  8. intergenta
  9. samgentan/o
  10. sengenta
  11. sengentec/o
1 ★ gento
1 homa grupo kun komunaj historiaj kaj kulturaj tradicioj, inter kiuj ofte troviĝas ideo (reala aŭ ne) pri komuna origino: la aron de ĉiuj homoj, kiuj havas saman devenon kiel mi, mi nomas mia gento Z mi parolu ne sole pri rasoj, sed ankaŭ pri gentoj, ĉar ambaŭ egale signifas etnologian grupon da homoj kaj diferencas nur per sia amplekso Z (figurasence) la tutan marĉon havis por si la rana gent’ KKa ➞ etno 1, nacio, popolo.
2 HIST grupo el pluraj familioj, posteularo de unu sama praulo, kune vivantaj kaj regataj de unu sama estro: la romaj patriciaj gentoj la julia gento la indiĝenaj gentoj de Aŭstralio ➞ fratrio, klano, domanaro, tribo; gentopatro.
3 (arĥaismo) = genro 2.
gentoj BIBL paganaj popoloj.
genta rilata al gento: genta religio Z genta lingvo Z genta ŝovinismo Z la gentaj nomoj estas la ĉefa kaŭzo, pro kiu la loĝantoj de unu supozata deveno rigardas sin kiel mastrojn super la loĝantoj de alia deveno Z
aligenta venanta de alia gento; fremda: vi faris krimon, prenante aligentajn edzinojn MT
aligentano homo de alia gento: multaj el ni povas interkompreniĝi kun aligentanoj Z Sin. aligentulo.
aligentulo aligentano: la sama leĝo estu por la indiĝeno, kaj por la aligentulo, kiu enloĝiĝis inter vi MT
ĉefgento de lando gento, kiu donis sian nomon al tiu lando.
diversagenta konsistanta el pluraj gentoj: ĉiu regnano de nia diversgenta patrujo Z
intergenta okazanta inter la gentoj: herede nutri intergentan disecon Z la intergenta malamo Z
samgentano homo apartenanta al la sama gento, kiel alia: ili tiel kutimiĝis vidi ĉirkaŭ si ĉiam nur samgentanojn Z
sengenta ne plu konanta gentan disecon: sengenta kaj sendoktrina komunumo de liberkredanoj Z
sengenteco eco de io sengenta: la principo de la sengenteco de la tero Z ➞ sennacieca.