PIV 2026 · Artikolo 11421

organo

Litero O

Derivaĵoj en la artikolo 17
  1. organa
  2. organet/o
  3. celorgano
  4. ĉeforgano
  5. gener/a organo
  6. movorgano
  7. neorgana
  8. palporgano
  9. parolorgano
  10. re/produkt/a organo
  11. regorgano
  12. seksorgano
  13. sensorgano
  14. sensorganet/o
  15. spirorgano
  16. suĉorgano
  17. voĉorgano
organo
1 ANAT BIOL ĉe plurĉela vivulo parto de la korpo, adaptiĝinta al speciala vivofunkcio: la okulo estas la organo de vidado fiziologiaj ecoj de la organoj de parolo Z la digestaj organoj organo konsistas el histoj ➞ aparato, histo, sistemo.
2 en maŝino ĉiu ero destinita por plenumi specialan funkcion: la organoj de lokomotivo la organoj de horloĝo KOMP aritmetika organo aritmetikilo de komputilo ➞ regorgano ➞ aparato, ilo, instrumento, peco.
3 rimedo de komunikado por esprimi la opiniojn de partio, afero, sekto, ligo k.s.: por ke nia afero povu regule disvolviĝadi, estas bezonate, ke ĝi havu sian organon, per kiu la amikoj de tiu ĉi afero povus inter si interŝanĝi la pensojn Z «Oficiala Organo» nepre devas esti afero komuna kaj publika Z la «Germana Esperantisto» fariĝos baldaŭ potenca kaj grava organo de ĉiuj germanaj grupoj Z (figurasence) tiu oratoro estis nur la organo de la reakciularo
4 grupo de komisiitoj kaj oficistoj, kiu plenumas apartan taskon en la funkciado de ŝtato, partio k.s.
5 MUZI voĉo rilate al ĝia kvalito aŭ forto: la basulo havas belegan organon
organa
1 rilata al organo: organa malsano organa difekto homoj kredigas, kvazaŭ lingvo estas objekto natura, organa Z
2 posedanta organojn: viva organa kreitaĵo
organeto BIOL en aŭ sur ĉelo korpeto kun speciala funkcio, ĉirkaŭita (ekz. mitokondrio, kloroplasto, lizosomo) aŭ ne (ekz. centriolo, cilio) de membrano. ➞ plastido, nukleo.
celorgano BIOL organo, kies funkciado estas regata de specifa hormono.
ĉeforgano KOMP parto de komputilo, kiu interpretas maŝinlingvajn instrukciojn, prilaboras datumojn kaj regas la funkciadon. ➞ procesoro, regilo.
genera organo interna aŭ ekstera organo, kiu partoprenas en seksa reproduktiĝo. Sin. reprodukta organo.
movorgano organo uzata por moviĝi.
neorgana sendependa de organa difekto: neorgana malsano
palporgano organo uzata por palpi.
parolorgano organo uzata por paroli: la buŝparto, kie la parolorganoj obstrukcas la aerfluon JWe
reprodukta organo genera organo.
regorgano regilo.
seksorgano ANAT organo uzata dum seksa reproduktiĝo. Sin. generilo, sekso 3, seksilo. ➞ jonio 1, kaco, klitoro, lingamo, peniso, piĉo 1, vagino, vulvo; genera organo.
sensorgano ANAT ĉiu el la specialaj organoj, per kiuj plurĉelaj bestoj ricevas sensaĵojn: la ĉefaj sensorganoj estas la okulo kaj la orelo la tuŝkorpetoj aparte multnombraj en la polmaj facoj de la fingroj estas la sensorganoj pri palpado
sensorganeto BIOL ĉela organeto, per kiu iuj ĉeloj ricevas informojn pri la ekstera medio.
spirorgano organo uzata por spiri: malsanoj de spirorganoj IsT
suĉorgano organo uzata por suĉi.
voĉorgano organo uzata por estigi la voĉon: la fiziologio de la voĉorganoj kaj de la cerbaj parolaj kaj aŭdaj centroj ILa