★akv/o

1 Ⓚ Likva kombinaĵo de hidrogeno k oksigeno, H₂O: pura, distilita akvo; mola akvo (entenanta malpli ol 0,6 g da saloj, precipe kalciaj k magneziaj, en litro), malmola, dura akvo (entenanta pli ol 0,6 g da saloj en litro); sala, mara, saleta, sensala (Sin. dolĉa) akvo; filtri akvon; ili akordas kiel akvo k fajro; ili similas unu la alian kiel du gutoj da akvo; ni similas al akvo, kiu estas verŝata sur la teron k kiun oni ne povas enkolekti ^X.

2 Tiu likvo, el kiu konsistas pluvo, maro, lagoj k riveroj: la spirito de Dio sin portis super la akvo ^Z; la akvo ne fariĝos plu diluvo ^X; nur unu klafton sub la akvo staris (ŝipeto) ^Z; naĝi sub la akvo; feliĉa, kiel fiŝo en akvo; trapasi la akvon (maron, riveron ks); veturi per akvo ^Z (ŝipe); fali en la akvon; la ŝuoj ne eltenis la akvon; akvo silenta subfosas la bordon ^Z; akvo kura, akvo pura ^Z; en akvo malklara oni fiŝkaptas facile ^Z; ĝi estas akvo al lia muelilo ^Z (alportas al li profiton, helpon). ➞ akvokoko.

3 Tiu likvo, servanta al la diversaj uzoj de la homa vivo: trinku akvon el via cisterno ^X; via vino miksiĝis kun akvo ^X; lakto kun akvo; kiu trinkigos nur tason da malvarma akvo […] neniel perdos sian rekompencon ^N; trempi haringon en akvo (por sensaligi); akvo k pano servas al sano ^Z; se mi lavus min per neĝa akvo […] ^X; postlava akvo; (f) ĵeti malvarman akvon sur ies entuziasmon; Θ sankta akvo; ⚕ mineralaj akvoj.

4 Nomo de diversaj likvoj: lavenda, roza, Kolonja akvo (por la tualeto); gliciriza akvo; plumbacetata akvo, oksigena akvo (Vd oksigena; ☞ hidrogena peroksido); hipoklorita akvo (por blankigi tolaĵojn ktp); peza akvo (Ⓚ kombinaĵo el oksigeno k deŭterio, D₂O, denso 1,106; troviĝas en la ordinara akvo, en proporcio de 1/5 000).

5 Likva sekrecio de la korpo: de niaj palpebroj ekverŝiĝu akvo! ^X; tiu respondo venigis akvon en ŝiajn okulojn; ĉe la nura vido kolektiĝas al mi akvo en la buŝo; ellasi akvon ^Z (urini).

6 Travidebleco k pureco de gemo: diamanto de plej pura akvo; (f) li estas kanajlo de la plej bela akvo.