PIV 2026 · Artikolo 3334
★dolĉa
Derivaĵoj en la artikolo 11
★ dolĉa
1 agrable impresanta la guston kiel sukero aŭ mielo: dolĉa pomo FE dolĉa kuko Z la poeto kuiris por li dolĉan vinon Z dolĉa glaciigita frandaĵo FE
(figurasence) akvoj ŝtelitaj estas dolĉaj MT dolĉe ŝmiri al iu la lipojn multon promesi Z
➞ sukerdolĉa.2 agrable impresanta la sensojn ĝenerale: dolĉa melodio B dolĉa voĉo dolĉa bonodoro Z dolĉa fantazio Z dolĉa veluro lia parolo fluas dolĉe kaj agrable FE ➞ ĉarma, delikata, facila, plaĉa.
3 agrable impresanta la koron aŭ la sentojn: dolĉa vizaĝo dolĉa mieno Z dolĉa parolo Z dolĉa sonĝo Z pri dolĉa vorto ne fieru, maldolĉan ne koleru Z tiu ĉi dolĉa ora tempo Z dolĉa utopio Z paroli dolĉe en la orelon Z ➞ karesa, milda, miela, tenera.
4 akvo sensala.
dolĉaĵo io dolĉa: sukeraĵoj kaj dolĉaĵoj flustri dolĉaĵojn al koketulino la konsilo de amiko estas dolĉaĵo por la animo MT ➞ frandaĵo.
dolĉeco eco de io dolĉa: li estis homo de senlima dolĉeco kia balzama dolĉeco iras el vi renkonte al la malfeliĉa ekzilito! Z
dolĉigi fari ion aŭ iun dolĉa: dolĉigi teon dolĉigi ies sorton
dolĉigilo substanco, kiun oni aldonas al manĝaĵo aŭ trinkaĵo por dolĉigi ĝin: dolĉigilo povas anstataŭi sukeron unu el la plej sanigaj naturaj dolĉigiloj RPi
maldolĉa
1 malagrable impresanta la guston, kiel aloo, galo aŭ genciano: maldolĉa pomo maldolĉa kiel absinto MT maldolĉa por la lango, sed saniga por la sango Z ili ne povis trinki la akvon , ĉar ĝi estis maldolĉa MT Sin. amara.➞ acida, akra 1, vermuto.
2 malagrable impresanta la koron aŭ la sentojn: torentoj da maldolĉaj larmoj Z maldolĉa estas ebriigaĵo por siaj trinkantoj MT maldolĉa sento de neplenumita espero Z pardonu pro la maldolĉa tono de mia letero Z estas tre maldolĉe al mi pro vi MT
maldolĉaĵo io maldolĉa.
maldolĉeco eco de io maldolĉa: alproksimiĝas la maldolĉeco de la morto MT
maldolĉigi fari ion, iun maldolĉa: ili maldolĉigis al ili la vivon per malfacila laboro MT
sukerdolĉa tiel dolĉa kiel sukero:
(figurasence) la unua ministro gratulis min per sukerdolĉaj vortoj Z sukerdolĉa frateto, efektive! Z