PIV 2026 · Artikolo 14972

★sukero

Litero S★ Fundamenta

Derivaĵoj en la artikolo 16
  1. sukera
  2. sukeri
  3. sukeraĵ/o
  4. sukeraĵ/ej/o
  5. sukeruj/o
  6. sukerum/i
  7. acersukero
  8. bet1sukero
  9. invertosukero
  10. kansukero
  11. mal/simpl/a sukero
  12. most/osukeri
  13. palm/osukero
  14. rest/osukero
  15. sang/osukero
  16. simpl/a sukero
★ sukero
1 blanka dolĉa kristala substanco, konsistanta el karbono, hidrogeno kaj oksigeno kaj ekstraktata el diversaj vegetaĵoj, precipe el sukerkano kaj sukerbeto. C12H22O11 tiu ĉi komercisto aldonas senpage funton da sukero FE li donis al mi teon kun sukero FE sukero ne estas permesata al diabetuloj pulvorigita sukero blanka sukero kruda aŭ bruna sukero Sin. sakarozo. ➞ kando, sukerato.
2 KEMI glucido (egale, ĉu ĝi gustas kiel sukero 1). ➞ simpla sukero, malsimpla sukero.
sukera
1 enhavanta sukeron; karakterizata de sukero: sukera kuko sukera bero MEDI sukera diabeto
2 (figurasence) dolĉa aŭ agrabla: diri al knabino sukerajn flataĵojn
sukeri tr dolĉigi ion per sukero: sukeri kafon sukeri kompoton ne sufiĉe sukerita torto
sukeraĵo sukera frandaĵo. ➞ sukerpeco; bombono, ĉokolado, glaciaĵo, krokanto, nugato, pralino.
sukeraĵejo butiko, kie oni vendas sukeraĵojn. ➞ konfitejo.
sukerujo vazo, en kiun oni metas sukeron.
sukerumi tr kovri ion per pulvoro de sukero: sukerumi vaflojn
acersukero sukero ekstraktata el acero.
bet1sukero sukero ekstraktata el beto 1.
invertosukero KEMI invertita sukero, miksaĵo de glukozo kaj fruktozo.
kansukero sukero ekstraktata el kano.
malsimpla sukero disakarido.
mostosukeri sukeri moston antaŭ la fermentado por plialtigi la alkoholkvanton de la vino.
palmosukero sukero ekstraktata el palmo.
restosukeroKUIR sukero de vino, kiu dum la fermentado ne estis transformita en alkoholon.
sangosukero MEDI glukozo en la sango; glukemio: preskaŭ 10 % de la plenkreskuloj en la mondo havas diabeton, mezureblan per alta nivelo de sangosukero EGv
simpla sukero monosakarido.