PIV Reta Vortaro

PIV 2020 · 14972

suker/o

1 Kristala, blanka, dolĉa substanco, konsistanta el karbono, hidrogeno k oksigeno, C₁₂H₂₂O₁₁, k ekstraktata el diversaj vegetaĵoj, precipe el sukerkano k sukerbeto: funto da sukero ; li donis al mi teon kun sukero ; sukero ne estas permesata al diabetuloj; pulvorigita, blanka, kruda (aŭ) bruna sukero. sakarozo. kando.

2 Glucido (egale ĉu sukergusta aŭ ne): sukero simpla ( monosakarido, ozo), malsimpla ( ozido).

sukera

1 Enhavanta sukeron, karakterizata de sukero: sukera kuko, bero; sukera diabeto.

2 () Dolĉa, agrabla: diri al knabino sukerajn flataĵojn.

sukeri () Dolĉigi per sukero: sukeri kafon, kompoton; ne sufiĉe sukerita torto.

sukeraĵo. Sukera frandaĵo. bombono, ĉokolado, glaciaĵo, krokanto, nugato, pralino.

sukeraĵejo. Butiko, kie oni vendas sukeraĵojn.

sukerato. Salo de sukerata acido, C₆H₁₀O₈, oksidiĝa produkto de glukozo.

sukerujo. Vazo, en kiun oni metas sukeron.

sukerumi () Kovri per pulvoro de sukero: sukerumi vaflojn.

sukerpeco. Aglomerita peco de sukeraj kristaloj, ordinare en regulaj sesedraj formoj.

acersukero, betsukero, kansukero, palmosukero. Sukero, ekstraktata el tiuj respektivaj plantoj.

invertsukero Invertita sukero, miksaĵo de glukozo k fruktozo.

mostsukeri. Sukeri moston antaŭ la fermentado por plialtigi la alkoholkvanton de la vino. ŝaptalizi.

restsukero La sukero de vino, kiu dum la fermentado ne estis transformita en alkoholon.