PIV 2026 · Artikolo 1861
1★beto
Derivaĵoj en la artikolo 5
1 ★ beto BOTA
1 florplanto, unu-, du- aŭ plur-jara herbo, kun alternaj, senharaj, integraj folioj kaj kun verdaj aŭ ruĝaj floroj en malgrandaj glomeruloj ariĝintaj en maldensajn spikojn; ofte kun dika karna radiko; el Eŭropo, okcidenta kaj meza Azio kaj norda Afriko. genro Beta ➞ amarantaco.
2 KOMU manĝebla radiko de iuj kultivoformoj de ordinara beto.
folibeto
1 BOTA AGRI beto, kun branĉaj radikoj malmulte karnaj, sed kun multaj grandaj folioj uzataj same kiel spinaco. Beta vulgaris subsp. cicla
2 KOMU manĝeblaj folioj de iuj kultivoformoj de folibeto 1.
mara beto BOTA beto, sovaĝa, apudmara, kun manĝeblaj folioj. Beta vulgaris subsp. maritima
ordinara beto beto, kies pluraj formoj estas kultivataj kiel legomoj, furaĝplantoj kaj por produktado de sukero. specio Beta vulgaris subsp. vulgaris
ruĝa beto
1 BOTA AGRI kultivoformo de ordinara beto, kun dika radiko malhele aŭ karmine ruĝa, precipe uzata por salatoj. kultivoformo de Beta vulgaris subsp. vulgaris
2 KOMU manĝebla radiko de ruĝa beto.
sukerbeto BOTA AGRI kultivoformo de ordinara beto, kultivata kaj industrie ekspluatata por dika blanketa radiko tre riĉa je sukero (➞ sakarozo, rafinozo). kultivoformo de Beta vulgaris subsp. vulgaris ➞ kano.