PIV 2026 · Artikolo 9433

★linio

Litero L★ Fundamenta

Derivaĵoj en la artikolo 46
  1. linia
  2. linie
  3. linii
  4. liniar/o
  5. liniig/i
  6. liniil/o
  7. aerlinio
  8. apsid/a linio
  9. blank/a linio
  10. cellinio
  11. ĉenlinio
  12. datlinio
  13. inter/naci/a datlinio
  14. defend/olinio
  15. emisilinio
  16. fer/vojlinio
  17. first/olinio
  18. floslinio
  19. flulinia
  20. fluks/olinio
  21. fraplinio
  22. front/olinio
  23. frontlinio
  24. geodezi/a linio
  25. gollinio
  26. interlinio
  27. kamp/a linio
  28. kapuslinio
  29. kudr/olinio
  30. lim1olinio
  31. nivellinio
  32. ond/olinia
  33. paflinio
  34. patr/inlinia
  35. patr/olinia
  36. punkt/olinio
  37. regres/a linio
  38. rektlinia
  39. servirlinio
  40. spektr/a linio
  41. sublinia
  42. superlinia
  43. ŝarĝ/olinio
  44. ŝiplinio
  45. tuŝlinio
  46. vojlinio
★ linio
1 MATE bildo de intervalo 2 per kontinua bildigo 2:rekta linio kurba linio
2 SCIE streko formita el ĉiuj punktoj, kiuj havas unu saman econ: izotermaj linioj linioj de forto la Linio ekvatoro linio de loko sur mapo tiu strekita linio, kiu trapasas la lokon, sur kiu staras la observanto ➞ nivellinio.
3 kontinua streko videbla sur supraĵo: la linioj de la spektro de ĥemia elemento la linioj de la mano linio de vivo aŭ riĉeco, en kiromancio li ĵetis sur la paperon tiun faskon da linioj, el kiu aperis la tutaĵo, plena de harmonio Z tiri linion desegni linion (analoge) belforma linio konturo de la buŝo Z ➞ spektra linio.
4 linio 3 montranta apartigon aŭ limon: linio de demarkacio la literoj aspektis kvazaŭ ili falpuŝiĝus super la liniojn, sur kiuj ili devis stari Z transpasi la linion markitan sur la grundo de sportejo, tenisejo k.s.
5 vico de personoj aŭ objektoj aranĝitaj unu apud la alia: ĉiuj staru nun en unu linio! li sidas en la tria linio semi legomojn laŭ linioj duobla linio da arboj bataliono ordigita laŭ tri linioj linio da fuortoj linio da tranĉeoj ➞ kolumno 2.
6 TIPO serio de vortoj skribitaj aŭ presitaj laŭ difinita direkto: ĉiu paĝo enhavas tridek liniojn la linioj de ĉinaj libroj estas vertikalaj legi inter la linioj eltrovi la kaŝitan sencon ➞ longo 3; sublinia, superlinia.
7 trafikservo, kiu regule funkciigas veturilojn, ŝipojn, aviadilojn k.c. laŭ difinita kurso 2: la ĉefa linio de la Danaj fervojoj Z uzu la aŭtobuson de la linio 34a (analoge) flugas la numenioj en serpentforma linio Z ➞ aerlinio, fervojlinio, ŝiplinio.
8 serio de personoj sinsekvaj en la tempo: montri longan linion de herooj deveni de reĝo laŭ rekta linio de genealogio ➞ patrinlinia.
9 HIST ĉefa parto de armeo aŭ floto, de kiu dependis la sorto de la batalo: ŝipoj el la linio regimentoj el la linio infanterio
10 (evitinde) = lineo 1.
11 (evitinde) = lineo 2.
linia rilata al linio(j): linia aranĝo linia desegno en kiu nur la linioj estas markitaj linia spektro
linie en linia aranĝo.
linii tr fari aŭ marki liniojn sur io: liniita papero
liniaro MUZI aro de kvin horizontalaj linioj, sur kaj ĉirkaŭ kiuj estas lokitaj la diversaj notoj.
liniigi aranĝi ion laŭ linioj: liniigi monerojn sur la tablo
liniilo ilo por streki liniojn: diverskurba liniilo ➞ rektilo.
aerlinio regula kurso 2 (linio 7) de aviadiloj. ➞ flugkompanio.
apsida linio ĉefakso de planeda elipso. ➞ apsido.
blanka linio TIPO blanka malplena linio 6 inter du linioj por ilin disigi.
cellinio imaga rekta linio, kiu trairas la celfendon, la celgrajnon kaj la trafotan punkton. ➞ celpunkto.
ĉenlinio kurbo de ĉeno aŭ ŝnurego pendanta inter du fiksitaj punktoj.
datlinio, internacia datlinio GEOG linio (proksimume koincida kun la meridiano de 180°), oriente kaj okcidente de kiu la dato malsamas.
defendolinio ARME linio el soldatoj kaj armiloj defendantaj lokon.
emisilinio FIZI ASTR spektra linio pro emisio de elektromagneta radiado el atomo perdanta energion.
fervojlinio fervoja linio 7.
firstolinio GEOG linio kuniganta la plej altajn punktojn en montoĉeno.
floslinio MARN nivelo, ĝis kiu enakviĝas ŝipo. ➞ ŝarĝolinio.
flulinia tia, ke ĝi kiel eble plej ne malhelpas la fluojn de aero en sia moviĝo: flulinia aviadila alo flulinia aŭtomobila karoserio
fluksoliniokampa linio.
fraplinio TIPO grandlitera titolo de artikolo en gazeto (precipe sur la unua paĝo), kiu indikas gravan informon:ordigante ĉion laŭ la unua litero de la gazeta fraplinio PeS
frontolinio, frontlinio linio 4, kie soldatoj batalas ĉe la fronto: post la eksplodo de la 1-a mondmilito Bjalistoko troviĝis for de la frontolinio GKo/BPi tiel la frontlinio fiksiĝis dum kvar jaroj RRo
geodezia linio GEOD linio, kiu estas laŭeble rekta sur glata sternaĵo: geodezia linio sur sfero estas segmento de ĉefcirklo
gollinio SPOR linio 4, trans kiu oni devas porti, ĵeti aŭ piedbati pilkon por atingi golon.
interlinio spaco inter du linioj de presita aŭ skribita teksto. ➞ fileo.
kampa linio FIZI linio, kiu tanĝas en ĉiuj siaj punktoj la direkton de la analoga vektoro 1. Sin. fluksolinio.
kapuslinio MARN akso de ŝipo, montrita per streko desegnita sur la interna flanko de la kompasa vazo.
kudrolinio kudro tiel farita, ke ĝi aspektas ekstere kiel linio: teni la manojn kontraŭ la kudrolinio de la pantalono
lim1olinio linio servanta kiel limo: en ĝi kuŝas la limlinio de la prudento Z
nivellinio
1 FIZI MATE imaga linio, kiu kunigas la punktojn de egala potencialo.
2 GEOD sur mapo desegnita kurba linio, kiu kunigas ĉiujn punktojn de unu sama nivelo. ➞ izobato, izohipso, talvego.
ondolinia prezentanta ondiĝantajn formojn.
paflinio imaga linio iranta laŭ la akso de la tubo de pafilo ĉe la pafo.
patrinlinia rilata al la familia linio 8 ĉe la patrina flanko: patrinliniaj geavoj BRa
patrolinia rilata al la familia linio 8 ĉe la patra flanko: patrolinia heredo de reĝeco
punktolinio linio konsistanta el serio de punktoj, ekz. laŭ kiu oni detondas kuponon.
regresa linio STAT rekto, kiu plej bone alproksimiĝas al la regresa funkcio.
rektlinia havanta formon similan al rekta linio: la vojo, iom pli larĝa nun, fariĝis rektlinia CPi niaj ĉambroj estis meblitaj kun puritane simpla, rektlinia, plaĉa solideco FSz kamentubaj fumoj levis sin rektlinie en la trankvilan aeron SEn
servirlinio SPOR en teniso, flugpilkado k.s. linio, malantaŭ kiu staru la serviranto, ne transpasebla ĝis ekflugo de la pilko.
spektra linio FIZI emisiita aŭ sorbita elektromagneta radiado en difinita frekvenco, aperanta kiel linio en la spektro.
sublinia TIPO situanta sub la linio 6: signetoj superliniaj kaj subliniaj Z
superlinia TIPO situanta super la linio 6.
ŝarĝolinio MARN sur la flanko de komerca ŝipo desegnita linio, ĝis kiu povas enakviĝi la ŝipkorpo. ➞ floslinio.
ŝiplinio regula kurso 2 (linio 7) de ŝipoj. ➞ ŝipkompanio.
tuŝlinio SPOR en multaj pilkaj sportoj ĉiu el la flankaj linioj de la tereno. Sin. taĉo.
vojlinio
1 terenstrio, sur kiu kuŝos aŭ kuŝas vojo konstru-ata, ita aŭ ota, kiam oni konsideras ĝin laŭ la preterpasitaj aŭ interligitaj lokoj.
2 linio strekita sur tereno, mapo aŭ plano pri vojo projektita aŭ konstruita.