PIV 2026 · Artikolo 12632

potencialo

Litero P

Derivaĵoj en la artikolo 9
  1. potenciala
  2. agpotencialo
  3. egalpotenciala
  4. norm/a potencialo elektr1/o/kemi/a
  5. ripozpotencialo
  6. termodinamik/a potencialo
  7. termoelektr/a potencialo
  8. trans/membran/a potencialo
  9. vektor/a potencialo
potencialo
1 ankoraŭ ne realigita kapabl(ar)o aŭ ebl(ar)o: Linukso havas grandegan potencialon sed ĝis nun konvinkis nur entuziasmulojn RRo La Ondo de Esperanto retformate utilas ĉefe por larĝigi la merkatan potencialon ne de siaj legantoj, sed de la klientaro de Sezonoj, kiu produktas ne nur gazeton OE
2 MATE pri vektora kampo skalara kampo 10, kies gradiento egalas al tiu vektora kampo.
3 FIZI potenciala energio tiu parto de la energio de fizika sistemo, kiu dependas de ĝia strukturo kaj aranĝo, sed ne de ĝia dinamika stato.
4 FIZI elektra potencialo skalara kampo, kies gradiento estas elektra kampo.
5 FIZI specifa valoro de elektra potencialo en difinita loko. ➞ tensio.
potenciala
1 FIZI rilata al potencialo.
2 FILO entenata en la koncerna afero, sed ne evidentigata en la priparolata momento: potenciala signifo de vorto, aktualigita de la kunteksto ➞ eventuala.
3 KOMU virtuala 1.
agpotencialo BIOL variado de transmembrana potencialo (de inter −40 kaj −80 mV ĝis +40 mV) de ekscitebla ĉelo, precipe nerva aŭ muskola ĉelo.
egalpotenciala FIZI havanta egalan potencialon.
norma potencialo elektr1okemia la potencialdiferenco, kiu estiĝas inter metalo kaj solvaĵo de norma jon-koncentriteco.
ripozpotencialo BIOL transmembrana potencialo de neaktiva ĉelo.
termodinamika potencialo FIZI funkcio de termodinamikaj variabloj, el kiu ĉiuj termodinamikaj grandoj estas troveblaj. ➞ entalpio, libera energio.
termoelektra potencialo FIZI elektra potencialo kreita pro temperatura diferenco en termoelektra sistemo.
transmembrana potencialo BIOL potencialdiferenco (de ĉ. −40 ĝis −80 mV) inter la ekstero kaj la interno de ĉelo.
vektora potencialo
1 MATE pri vektora kampo alia vektora kampo, kies kirlo egalas al la unua vektora kampo.
2 FIZI vektora kampo, kies kirlo egalas al la magneta kampo.