PIV 2026 · Artikolo 10733

★muskolo

Litero M★ Fundamenta

Derivaĵoj en la artikolo 12
  1. muskola
  2. muskolar/o
  3. abdukci/a muskolo
  4. adukci/a muskolo
  5. dikmuskola
  6. enmuskola
  7. fortmuskola
  8. intramuskola
  9. ridmuskolo
  10. romb/a muskolo
  11. senmuskola
  12. trapezmuskolo
★ muskolo ANAT organo konsistanta el fibroj, kiu produktas per kontrahiĝo ĉiujn movojn de la organismo: visceraj muskoloj el glataj fibroj skeletaj muskoloj el striaj fibroj kora muskolo el specialaj miokardiaj fibroj
muskola
1 rilata al muskolo: muskola kontraho
muskolaro tuto de la muskoloj de besto aŭ homo.
abdukcia muskolo muskolo, kiu abdukcias korpoparton.
adukcia muskolo muskolo, kiu adukcias korpoparton.
dikmuskola havanta dikajn muskolojn: grandaj dikmuskolaj manoj Z
enmuskola farata en muskolo aŭ en muskolon: enmuskola injekto
fortmuskola havanta fortajn muskolojn: ĝi estis rimarkinde fortmuskola kaj verva besto HLu
intramuskola (evitinde) = enmuskola.
ridmuskolo ĉiu el la du mallarĝaj muskoloj, kiuj tiras angulon de la buŝo flanken, ekz. kiam oni ridetas. musculus risorius Sin. rizorio.
romba muskolo ANAT unu el la kvar muskoloj de la dorso, po du dekstre kaj maldekstre, kiuj regas la movojn de la skapolo. ➞ romba, romboida.
senmuskola
1 ne havanta (rimarkindajn) muskolojn: lia brako — mola kaj senmuskola, ne la brako de viro, kiu rajdas ĉevalojn aŭ ĵetas lancon ALö
2 (figurasence) ne havanta energion aŭ drastan efikon: senmuskola prozo
trapezmuskolo muskolo de dorso kaj nuko. musculus trapezius