PIV 2026 · Artikolo 10939

nervo

Litero N

Derivaĵoj en la artikolo 16
  1. nervo/j
  2. nerva
  3. nervar/o
  4. nervologi/o
  5. abdukci/a nervo
  6. cerb/a nervo
  7. glosofaring/a nervo
  8. hipoglos2/a nervo
  9. iski/a nervo
  10. krani/a nervo
  11. olfakt/a nervo
  12. optik/a nervo
  13. spin1/a nervo
  14. tri/ĝemin/a nervo
  15. trokle/a nervo
  16. vag2/a nervo
nervo
1 ANAT disbranĉiĝanta fadenforma elemento, kiu konektas la cerbon kaj mjelon kun la diversaj partoj de la korpo. nervus la sensaj nervoj kondukas al la centroj la impresojn ricevitajn de la sensorganoj — la motoraj nervoj la impulsojn de la cerbo aŭ mjelo al la muskoloj aŭ glandoj ➞ neŭrono.
1 Ne uzu nervo en la senco de tendeno 1.
2 BOTA ripo 2.
3 ZOOL nervuro 1.
nervoj KOMU korpa stato rigardata kiel dependanta de la pli aŭ malpli granda ekscitebleco kaj sentemeco: li havas ŝtalajn nervojn estas ne emociema agaci la nervojn streĉi la nervojn la milito de la nervoj provo submini la kuraĝon, moralan energion de la kontraŭulo
nerva
1 rilata al nervo(j): nerva malsano la nerva kurento centra, periferia kaj aŭtonoma nervaj sistemoj ANAT nerva ĉelo nervoĉelo, neŭrono BIOL nerva impulso
2 nervoza: mi fariĝis nerva ĉe la penso havi sub mia respondeco centojn da personoj nerve ludante kun la ventumilo
nervaro tuto de la nervoj de difinita anatomia teritorio.
nervologio (evitinde) = nervoscienco.
abdukcia nervo krania nervo el la 6a paro, kiu abdukcias la okulojn.
cerba nervo krania nervo.
glosofaringa nervo ANAT krania nervo el la 9a paro, kiu entenas movajn fibrojn por la faringo kaj parto de la lango, kaj sensajn fibrojn el la bazo de la lango. nervus glossopharyngeus
hipoglos2a nervo ANAT hipogloso 2.
iskia nervo iskiato.
krania nervo ĉiu el la 12 paroj da nervoj, kiuj eliĝas el la cerbo kaj bulbo kaj eliras el la kranio: ili estas la olfakta nervo, optika nervo, okulomotora nervo, troklea nervo, triĝemina nervo, abdukcia nervo, facia nervo, vestiblo-koĥlea nervo, glosofaringa nervo, vaga nervo, akcesora nervo kaj hipoglosa nervo.Sin. cerba nervo.
olfakta nervo krania nervo el la 1-a paro, kiu naskiĝas el la olfakta bulbo, funde de la naza kavo.
optika nervo parigita nervo, kiu transdonas vidajn informojn de la retino al la cerbo.
spin1a nervo iu el la nervoj, kiuj pare eliĝas el la mjelo kaj eliras el la spino ① 1 ĉe ĉiu vertebro.
triĝemina nervo krania nervo de la 5-a paro, kiu ĉe la triĝemina gangliodistriiĝas al du sensaj nervoj (la okula kaj la maksila) kaj al unu miksa (la mandibla). nervus trigeminus
troklea nervo krania nervo de la kvara paro, kiu regas la supran oblikvan muskolon de la okulo kaj finiĝas apud la trokleo. nervus trochlearis
vag2a nervo vago 2.