★ĉel/o

1 🏠 Malgranda ĉambro por unu sola persono, en monaĥejo, malliberejo ks: ĉelo de ermito; li havas nek ĉelon nek kelon ^Z (estas malriĉa); (analoge) banĉelo. ☞ budo, kabineto, kajuto, kamero, karcero, kiosko. ➞ ĉelveturilo.

2 ♉ Ĉiu el la sesflankaj kavetoj el vakso, en kiun la abeloj enmetas mielon aŭ unu ovon.

3 ⚥ La plej malgranda vivanta unuo, kiu konsistigas la vivulajn histojn aŭ la tuton de la unuĉelaj vivuloj: ĉelo konsistas el membrano k ĉelplasmo, kiu enhavas organetojn; ĉelo eŭkariota (karakterizata de kromosomoj – entenataj de nukleo – k de mitokondrioj k/aŭ plastidoj), prokariota (karakterizata de kromosomo(j) ne entenata(j) de nukleo, k de la malesto de mitokondrioj k plastidoj); ĉelmembrano, ĉelmuro, ĉelnukleo, ĉelplasmo, ĉelskeleto. ☞ plasmodo, sifono, sincitio, hifo, histo.

4 ✈ Tutaĵo de la strukturoj de la aloj k fuzelaĝo.

5 ☐ Vakua tubo aŭ ampolo, enhavanta iun ajn teknikan organon: ĉelo de Karolus, de Kerr (➞ lumelektra ĉelo).

6 (f) Ĉiu el la kvadrataj dividaĵoj de surfaco: antaŭtuko kun bluaj ĉeloj ^Z; la 64 ĉeloj de la ŝaktabulo.

7 Σ Baza grupo de partianoj (en komunistaj partioj).

8 💻 Plej malgranda adresebla parto de memorilo. ☞ bajto, vorto.