PIV 2026 · Artikolo 7232

★kamero

Litero K★ Fundamenta

Derivaĵoj en la artikolo 8
  1. kamerist/o
  2. bobelkamero
  3. gaskamero
  4. jon/ig/a kamero
  5. nebulkamero
  6. plumb/okamero
  7. seskamera
  8. sub/stom/a kamero
★ kamero
1 senfenestra nehejtebla ĉambreto uzata kiel tenejo, kaŝejo ktp: ili flugis tra riĉaj salonoj kaj mizeraj kameroj Z ➞ alkovo, kabineto.
2 SCIE parto de aparato, maŝino k.c. aŭ de organo de vivulo, kiu prezentas fermitan spacon: TEKN senluma kamero en fotilo SPo kamero de revolvero kompasa kamero ekspansia kamero de reakcimotoro
ANAT antaŭa kamero de okulo malantaŭa kamero de okulo la kvar kameroj de la stomako de remaĉulo
BOTA kamero de ovario kamero de antero ➞ ĉambro, kesto, skatolo 1.
3 = (prefere) kamerao.
kameristo
1 HIST nobela oficisto komisiita pri la sekretaj aŭ financaj aferoj de suvereno. ➞ ĉambelano, kamerlingo.
2 (evitinde) = kameraisto.
bobelkamero FIZI speco de nebulkamero. Sin. bobelĉambro.
gaskamero hermetika kamero, en kiu oni produktas venenajn gasojn, aŭ por provi la efikon de gasmasko, aŭ por gasmortigi bestojn aŭ homojn.
joniga kamero FIZI aparato uzata por mezuri la intenson de altenergiaj radioj, profitante de ilia joniga efiko al gaso.
nebulkamero FIZI instrumento por observi kaj foti la trajektoriojn de elementaj partikloj. Sin. nebulĉambro.
plumbokamero KEMI TEKN kamero kun plumbaj muroj, uzata por la fabrikado de sulfata acido.
seskamera revolvero havanta ses kavojn, en ĉiu el kiuj sidas kartoĉo.
substoma kamero BOTA senĉela spaco tuj sub la stomo. ➞ stigmo, stomatito.