PIV 2026 · Artikolo 2265

★budo

Litero B★ Fundamenta

Derivaĵoj en la artikolo 9
  1. balotobudo
  2. eksponbudo
  3. gazetobudo
  4. ĝardenbudo
  5. inform/obudo
  6. pajlobudo
  7. telefonbudo
  8. vend/obudo
  9. vendbudo
★ budo malgranda simpla konstruaĵo, ekz. el tabuloj aŭ tolaj vandoj, ne uzata kiel loĝejo: provizore konstruitaj lignaj butikaj budoj Z gardostara budo de soldato ili starigis budon kaj deĵoris en ĝi por informi la kongresanojn pri Esperanto OE (analoge: tablo sen vandoj) la informilon pri Vilno eblos ricevi ĉe la budo «Venontaj kongresoj» PJe ➞ kabano, kiosko.
balotobudo en balotejo budo, en kiu balotanto staras por kaŝe voĉdoni.
eksponbudo en bazaro aŭ foiro budo uzata por prezenti varojn.
gazetobudo surstrata budo, kie oni vendas gazetojn.
ĝardenbudo budo en ĝardeno, por konservi ilojn.
informobudo budo, kie la publiko povas ricevi ĝeneralajn informojn pri loko aŭ evento. ➞ giĉeto.
pajlobudo primitiva afrika kabano, ĉefe el pajlo.
telefonbudo malgranda kiosko ĉirkaŭ publika telefono: ni nepre devas averti la policon. Staras telefonbudo tie tute proksime CPi
vendobudo, vendbudo budo, kie oni vendas ion: fremdlandanoj ofte vizitas ŝian vendbudon por aĉeti fruktojn Ko