PIV · 5277
globul/o
globul/o ❤
1 Nomo de la sango- k limfo-ĉeloj: la ruĝaj globuloj (Sin. eritrocitoj) similas al dukonkavaj diskoj 7 µm diametraj; la blankaj globuloj (Sin. leŭkocitoj) iom similas globojn aŭ amebojn. Sin. sangoglobeto. ☞ eritroblasto.
2 Nomo de la polusaj, globetformaj abortaj ĉeloj, elpelitaj el la ovo dum ties maturiĝo.
globuleto ❤ Ĉiu el la malgrandaj globuloj (2−3 µm), formoŝanĝemaj (de bastoneto al disko) k fragilaj, kiuj havas rolon en la sangokoagulado. Sin. trombocito.
globulestiĝo ⚥ Formiĝo de la globuloj en la globulproduktaj organoj (osta medolo, limfaj nodoj, lieno).