PIV
← Reen al P

PIV 2020 · 12345

plasm/o

plasm/o (plasma)
1 ⚥ La likva parto de sango, en kiu naĝas blankaj k ruĝaj globetoj. ☞ sero.
2 ⚥ Fluida interna parto de ĉelo (ĉelplasmo) aŭ de ties nukleo (nukleoplasmo).
3 ☐ Substanco je tiom alta temperaturo, ke elektronoj disiĝas de la nukleoj.
plasmogamio ⚥ Kuniĝo de la ĉelplasmoj de du ĉeloj, ĝenerale dum seksa procezo, ekz. dum fekundiĝo.
ĉelplasmo. Parto de ĉelo inter la nukleo k la membrano. Sin. citoplasmo.
ektoplasmo ⚥ Ekstera parto de ĉelplasmo. ➞ ektoplasm/o.
endoplasmo ⚥ Interna parto de ĉelplasmo.
endoplasma ⚥ Troviĝanta interne de la ĉelplasmo: endoplasma reto (Sin. enĉela reto).
nukleoplasmo ⚥ Viskoza substanco, kiu konsistigas laŭpeze la pli grandan parton de ĉelnukleo.
protoplasmo Z ⚥ La viv-esenca substanco de ĉelo, konsistanta el ĉelplasmo k nukleo: protoplasmo ordinare estas viskoza, diafana substanco, entenanta suspensie etajn granulojn. ☞ ĉelplasmo, nukleo, nukleolo.