PIV 2026 · Artikolo 10141

★memori

Litero M★ Fundamenta

Derivaĵoj en la artikolo 23
  1. memore
  2. memoro
  3. memorad/o
  4. memoraĵ/o
  5. memoraĵ/o/j
  6. memorebl/a
  7. memorig/a
  8. memorig/i
  9. memorig/o
  10. memorig/aĵ/o
  11. memorig/ant/o
  12. memoril/o
  13. magnet/kern/a memoril/o
  14. memorind/a
  15. ĉefmemoro
  16. elmemore
  17. karmemora
  18. laŭmemore
  19. nememorebl/a
  20. poŝmemoril/o
  21. rememori
  22. rememoro
  23. rememorig/i
★ memori tr aŭ pri konservi en la menso perceptojn antaŭe ricevitajn aŭ ideojn antaŭe akiritajn: mi memoras ankoraŭ du aliajn okulojn Z ŝia filino ĉiam ankoraŭ ame ŝin memoras Z neniu plu ilin memoras Z mi memoras la piecon de via juneco MT memori vorton Z memori fakton Z memori lecionon memori kanton Z memori ofendon memori bonfaron mi devas konstante memori pri la pagodatoj Z tiuj tagoj devas esti memorataj en ĉiuj generacioj MT ni devas memori, ke nia lingvo devas servi ankaŭ por la vivo Z memorante, ke fari radikalan plibonigon ni povos Z ĉu vi memoras ankoraŭ, kiel Taĥo volis vin engluti Z kiom mi memoras, la peco ne plaĉis Z kiu volas mensogi, devas bone memori Z
memore el memoro, en memoro, pro memoro, rilate al memoro k.s.: memore desegni memore kanti memore citi la ĉefa ero de tiu aranĝo estis dediĉita al la komponisto F. Liszt memore al la 150-jara datreveno de lia naskiĝo ILa tiel oni memore omaĝas al la japana diplomato Chiune Sugihara LSt ➞ parkere.
memoro
1 la kapablo memori: ekzerci sian memoron mensoganto devas havi bonan memoron Z mi havas nenian memoron por la ciferoj refreŝigi sian memoron memoro profunda per kiu oni memoras sufiĉe longe memoro provizora per kiu oni konservas la informojn relative mallonge ➞ mnemoniko.
2 impreso aŭ spuro daŭranta en la menso kaj lasita de iu aŭ io grava: honori ies memoron ankoraŭ freŝa estas la memoro
Pri l’ morto de la kara nia frato Z
vivi en la memoro de la homoj Z ekstermi de la tero la memoron pri ili MT vian nomon kaj la memoron pri vi sopiris nia animo MT la Pasko, kiun ankoraŭ nun la hebreoj festas por eterna memoro pri sia liberiĝo Z ➞ nomo.
3 tiu parto de la menso, kiu konservas la akiritaĵojn: noti ion al si en la memoro Z enskribu en vian memoron Z mi uzas la okazon , por revoki en vian memoron la nomon de unu viro Z pasinta doloro for el memoro Z mi desegnis ĝin la portreton el la memoro B io gravurita en la memoro de l’ tabulo de memoro mia
Forviŝos mi nun ĉion Z
se memoro min ne trompas, vi estas Horacio Z ➞ memorteni.
4 KOMP parto de komputilo, en kiu datumoj estas tenataj: ekstera memoro en flankaparato virtuala memoro okupi memoron malokupi memoron registri valoron en memoro legi datumojn en la memoron ŝargi la memoron per datumoj asigni memoron por datumoj ➞ ĉefmemoro; memorhierarĥio,memorprotekto; makulaturo, reĝistro, staplo.
memorado procezo, per kiu oni ion memoras: tio multe helpas al la memorado de leciono Z ĝis mia kapo perdos la kapablon de ĉia memorado! Z ritmaj procedoj pri memorado ➞ memorarto
memoraĵo objekto, kiun oni konservas pro memoro de iu aŭ io: aĉeti memoraĵojn pri sia vojaĝo tia estas memoraĵo pri mi por ĉiuj generacioj MT ➞ suveniro.
memoraĵoj BELE rememoroj skribitaj de iu persono pri sia publika aŭ privata vivo. ➞ biografio.
memorebla tia, ke oni povas ĝin memori: facile memorebla regulo
memoriga farita por memorigi pri io aŭ iu: dissendi nombron da memorigaj poŝtaj kartoj Z memoriga monumento memoriga poŝtmarko
memorigi
1 igi iun memori: teruro, kiu tro malfrue
Vin memorigus pri konsilo mia! Z
ĉu ne estas interese, se oni de tempo al tempo estas memorigata pri tio, ke Z
2 refreŝigi memoron pri io en ies menso: memorigu al Viaj varbatoj kaj ili memorigu al la siaj, ke Z ni ne devos eterne memorigadi al niaj amikoj pri helpo kaj subteno Z
memorigo ago memorigi: ĉi tion faru por memorigo pri mi NT
memorigaĵo io, kio memorigas: oni donu ŝin al mi kiel memorigaĵon pri mia ĉitiea vizito Z terura memorigaĵo el la mezaj jarcentoj Z
memoriganto io aŭ iu, kiu memorigas: la propra intereso estas la plej bona memoriganto Z
memorilo KOMP aparato por teni datumojn: duonkonduktila memorilo magnetdiska memorilo magnettavola memorilo rekte alirebla memorilo ajnvica memorilo laŭvica memorilo asocieca memorilo modifebla memorilo nurlega memorilo viŝebla programebla nurlega memorilo ➞ ĉelo 1, datumportilo.
magnetkerna memorilo KOMP HIST speco de komputila memorilo uzata inter 1955 kaj 1975, kiu konsistis el ringetoj magneteblaj en unu el du direktoj ĉe la kruciĝoj de latiso el dratoj.
memorinda tia, ke ĝi meritas, ke oni ĝin memoru: memorinda okazaĵo memorinda dato
ĉefmemoro KOMP memoro 4 rekte adresebla de la ĉeforgano.
elmemore
1 el sia memoro: devigi ilin ĉerpi vortojn elmemore CPi
2 uzante nur la memoron, sen helpo de teksto. ➞ parkere.
karmemora forpasinta individuo memorata kiel karulo:mia karmemora patro Z foto de karmemora besto RPi (figurasence) karmemora al li estis tiu tago MD
laŭmemore laŭ sia memoro: kiel skribis Kalocsay (mi citas laŭmemore) OE laŭmemore la fonduso funkciis dum 3 aŭ 4 jaroj FMl
nememorebla tia, ke oni ne povas ĝin memori:depost tempo nememorebla Z
poŝmemorilo KOMP malpeza eta memorilo, kiun oni laŭbezone konektas al komputilo por kopii aŭ konservi dosierojn.
rememori reveki aŭ prezenti denove al si en la menso iun aŭ ion el la pasintaĵo: kantu multe, por ke oni rememoru vin MT la tagojn, kiujn ni pasigis en Via domo, ni ĉiam rememoros kun plezuro Z la pekojn de mia juneco ne rememoru MT se la homoj volas fari al vi malbonon, tiam rememoru la historion pri Jozef Z Mi rememoris, kion faris Amalek nun iru kaj frapu Amalekon MT mi rememoras, ke ion similan mi efektive aŭdis de li Z mi ekstermos la nomojn de la idoloj, kaj ili ne plu estos rememorataj MT
rememoro denova prezentado en la konscio de antaŭa percepto aŭ ideo: bongustaj rememoroj el la juneco leviĝis en mi Z sed la fadeno de rememoroj disŝiriĝis Z ĉe la malĝoja rememoro ekfluis ŝiaj larmoj Z mi malvarmumas ankoraŭ hodiaŭ per la sola rememoro pri tiu akva ekskurso Z eĥo de longepasintaĵa rememoro Z svarmoj da rememoroj Z
rememorigi
1 memorigi: ne rememorigu
Al mi la belajn tagojn Z
ŝi rememorigis al li pri la vikinga kastelo Z la antaŭaĵo ne estos rememorigata MT
2 esti simila al: la ŝtonegoj rememorigis per la formo ruinojn de citadeloj B