PIV 2026 · Artikolo 12892

protekti

Litero P

Derivaĵoj en la artikolo 13
  1. protekta
  2. protekto
  3. protektad/o
  4. protektant/o
  5. protektat/o
  6. protektem/a
  7. protektism/a
  8. protektism/o
  9. kugl/oprotekta
  10. medioprotektad/o
  11. naturprotektad/o
  12. memorprotekto
  13. naturprotektant/o
protekti tr
1 helpi iun per sia influo kaj aŭtoritato: kiun reĝo protektas, tiun ministro elektas Z ni ne estas tiaj homoj, kiuj protektus sian filinon en malbonaj faroj Z protekti iun al ofico B ili lekas la botpurigiston, ke li ilin protektu ĉe lia eminenta moŝto Z
2 defendi aŭ gardi iun aŭ ion kontraŭ minaco: unu malamiko pli difektas, ol cent amikoj protektas Z vundan lokon protektis, alian difektis Z protekti tiajn trezorojn kontraŭ detruo protekti la ŝipindustriojn kontraŭ la konkurenco estu mia genio protektanta kontraŭ tiu ĉi fremdulo Z ➞ kovri, ŝirmi; flugilo 3, remparo, ŝildo 1.
protekta esprimanta aŭ konsistiganta protekton: ŝi diris kun protekta tono Z protekta rideto lia protekta ĉeesto kuraĝigis min
protekto, protektado ago protekti: ĝi volas preni min sub sian protekton Z la granda honoro, kiun li faris al ni, prenante sur sin la altan protektadon de nia kvara kongreso Z ne rifuzu al ni vian protektadon Z ➞ aŭspicio 2.
protektanto iu, kiu protektas.➞ naturprotektanto.
protektato tiu, kiun iu protektas: vi elektu por mi komizinojn el la nombro de viaj protektatinoj Z
protektema inklina al protektado: afekte protektema sintenado Z
protektisma rilata al protektismo: protektismaj tarifoj
protektismo ekonomika doktrino, kiu favoras la meton de altaj doganaj impostoj sur importaĵojn por protekti la enlandan industrion, kultivadon aŭ komercon.
kugloprotekta = (prefere) kontraŭkugla.
medioprotektado, naturprotektado EKOL protektado de la medio per leĝoj kaj aliaj institucioj aŭ agoj de individuoj kontraŭ malbonigo de la medikvalito.
memorprotekto KOMP sistema malebligo, ke programo aliru datumojn tenatajn en memoro 4 ne asignita al ĝi.
naturprotektanto ekologiisto.