PIV 2026 · Artikolo 4625

★flugi

Litero F★ Fundamenta

Derivaĵoj en la artikolo 40
  1. fluga
  2. flugo
  3. konekt/a flugo
  4. flugad/o
  5. flugaĵ/o
  6. flugant/ar/o
  7. flugem/a
  8. flugem/i
  9. fluget/i
  10. flugig/i
  11. flugil/a
  12. flugil/o
  13. flugil/ul/o
  14. alflugi
  15. altafluga
  16. ĉirkaŭflugi
  17. deflugi
  18. disflugi
  19. disflugig/i
  20. ekfluga
  21. ekflugi
  22. ekflugo
  23. elflugi
  24. enflugi
  25. forflugi
  26. longafluga
  27. preterfluge
  28. preterflugi
  29. reflugi
  30. rondflugi
  31. senflugil/a
  32. senflugil/ul/o
  33. superflugi
  34. superflugo
  35. superflugad/o
  36. surflugi
  37. ŝveboflugi
  38. traflugi
  39. transflugi
  40. transflugo
★ flugi ntr
1 sin movi en la aero per tiucelaj membroj, kiajn havas birdoj kaj multaj insektoj: la birdo flugas en la ĉambro la birdo flugas en la ĉambron la hirundo flugis trans la riveron li loĝas tie, kien eĉ birdo ne flugas kiel aglo flugas al manĝotaĵo MT la anĝelo de la morto flugas super Baĥaraĥ! Z (figurasence) mia alte fluganta spirito Z
2 sin movi en la aero per tiucelaj aranĝoj aŭ meĥanismoj: kiam oni premis la seruron, la kofro povis flugi Z la aerŝipo flugas super la landon, kie naskiĝis Cortez Z ili pensis, ke tio balono, kio tie flugas, estas ia nova birdo! Z mi flugos morgaŭ al Londono aviadile ➞ sori 2, ŝvebi, flugmaŝino.
3 io peza impete ĵetiĝi en la aeron: ĝuste la saman botelon ŝi jam iam vidis flugantan antaŭ ŝi kaj ŝia amiko en la verda arbaro Z ministo
Per forto de la propra sia pulvo
En la aeron flugos Z
la pordo debatiĝas kaj Bobĉinskij, kiu subaŭskultadis post ĝi, flugas sur la scenejon Z «mi,» diris la dua pizo pafita de knabo, «flugos rekte en la sunon» Z sago flugas tra la aero Z
4 iri tre rapide: svarmoj da glitveturiloj flugis en diversaj direktoj Z mi kuros, flugos, rapidos Z ho, malbenita rapideco flugi
En kriman liton ! Z
kudri per fluganta kudrilo Z
(figurasence) la vorto telegrafe flugas tra la landoj kun rapideco de fulmo Z famo ne flugas, se kaŭzo ne estas Z al li flugas mia kora danko antaŭ liaj okuloj komencis flugi muŝetoj punktoj, li perdis la konscion B krio flugas ĝis la steloj Z
fluga
1 rilata al flugo: flugaj insektoj fluge atingi monton
2 rapida: ĵeti flugan rigardon malantaŭ ni GWa fluga trarigardo de la jarkolektoj montras, ke en la unuaj jardekoj preskaŭ tute mankis fotoj ULi «ho, jes,» respondis Addha per la plej fluga rideto AFu
flugo
1 moviĝo de io, kio flugas: koniĝas birdo laŭ flugo kaj homo laŭ ago Z ĝi estis trafita en la flugo (figurasence) venka flugo ekzaltiĝo Z
2 veturo de aviadilo: lia flugo alvenos nur posttagmeze BLe ➞ flughaveno, flugokampo, flugoklubo.
konekta flugo flugo de aviadilo, per kiu oni povas konvene pluveturi post alveno al flughaveno per alia aviadilo, buso, trajno aŭ simile: Vilno estas facile atingebla per konektaj flugoj de la grandaj internaciaj flugaliancoj RE! ➞ flugokonekto.
flugado daŭra moviĝo en la aero: homo naskiĝas por suferoj,
Kiel birdoj por flugado MT
la ombro de la cignoj akompanis ilian rapidan flugadon Z la flugado estis senteble malpli rapida ol ordinare Z
flugaĵo ĉio fluganta: eniris en la arkeon ĉiuj flugaĵoj laŭ siaj specoj MT
flugantaro granda aro de kune flugantaj birdoj.
flugema volonte fluganta: (figurasence) flugema kiel vento tre moviĝema Z ➞ flugipova, flugpreta.
flugemi esti flugema: multaj specioj de novzelandaj birdoj ne kapablas flugi aŭ ne flugemas DRo
flugeti
1 flugi per mallongaj batoj de la flugiloj: flugetanta papilio ŝi sin turnadis en la danco, flugetante kiel flugetas la hirundo, kiam ĝi estas persekutata Z
2 moviĝi tien kaj reen laŭ la vento: venis kun turbano kaj kun flugetanta beduena mantelo Z ➞ flirti.
3 paŝi malpeze, kvazaŭ fluge: ŝia gracia flugetanta irado Z virinoj, brilplene flugetante, simile al orskaraboj Z ➞ danci.
flugigi igi ion flugi: flugigi centojn da lancoj ALö kajtoj jam estas ellaborataj kun lumiloj, tiel ke oni povas flugigi ilin nokte SXH la Internacia Lingvo liberigas la penson de la nacilingvaj ĉenoj kaj flugigas ĝin libere de lando al lando ILa
flugila
1 rilata al flugiloj: flugila enverguro
2 havanta flugilojn: flugila estaĵo
flugilo
1 ZOOL organo de diversaj bestoj, kiun ili movas por sin porti en la aero, kaj kiu homologas ĉe birdoj al antaŭa membro kaj ĉe insektoj al haŭta elkreskaĵo: disfaldi la flugilojn disetendi la flugilojn disvolvi la flugilojn Z disvastigi la flugilojn Z la cignoj malleviĝis kaj frapis per siaj grandaj blankaj flugiloj Z refaldi la flugilojn ĝi difektis unu el siaj flugiloj per dornarbetaĵo Z (analoge) serafoj staris ; ĉiu havis po ses flugiloj MT
2 flugilo 1 kiel simbolo de rapideco: la timo havigis al li flugilojn ŝi ekkuris , kvazaŭ ŝi havus flugilojn ĉe la brakoj Z Li portiĝis sur la flugiloj de la vento MT per flugiloj de facila vento Z liaj flugiloj paraliziĝis Z
3 flugilo 1 kiel simbolo de ŝirmo: kiom ofte mi volis kolekti viajn infanojn, kiel kokino kolektas sian idaron sub la flugilojn NT per la ombro de Viaj flugiloj kaŝu min MT unuj el ni, ŝirmitaj de la flugiloj de la dio de amo, traflugas la tutan vivon honeste Z
4 TEKN tiu parto de pordo, fenestro k.s., kiu povas svingiĝi kiel flugilo: pordego — sen flugiloj G Sin. klapo.
5 TEKN alo 2 (en ĉiuj signifoj).
flugilulo ZOOL insekto, kiu havas flugilojn aŭ devenas de flugilhava formo. membro de la subklaso Pterygota (flugiluloj) el la klaso Insecta Sin. pterigulo. ➞ pulo, bestopediko.
alflugi al aŭ tr fluge direkti sin al iu loko: la birdo alflugis al la domo FE tiam alflugis dek blankaj cignoj, ili sidiĝis ĉirkaŭ ŝi Z kiam venis la vespero, alflugis koturnoj kaj kovris la tendaron MT elmetu mielon, muŝoj alflugos Z aviadilkompanioj plurfoje semajne alflugas ĝin Nov-Kaledonion GMl
altafluga ambicia: kie estas viaj altflugaj planoj? Z
ĉirkaŭflugi tr flugi ĉirkaŭ io: la cikonioj ĉirkaŭflugis la preĝejturon (figurasence) ĉirkaŭflugas la armeon
La venko Z
deflugi fluge malsupreniri: estis tia ventego, ke la tegoloj deflugis de la tegmentoj Z (figurasence) kiel falko li deflugadis de sia kastelo Z
disflugi fluge disiĝi: disflugas polvo kun disflugantaj haroj Z (figurasence) en la aero disflugis akraj krioj la novaĵo rapide disflugis tra la lando
disflugigi igi ion disflugi: mi disflugigas ilin, kiel polvon laŭ la vento MT
ekfluga rilata al flugo: AVIA ekfluga kuro distanco kurata kontakte kun la tero aŭ akvo dum ekflugo
ekflugi leviĝi de tero kaj komenci flugi: ili prenis la reton per siaj bekoj kaj ekflugis Z ĉiuj cikonioj kolektiĝis, por ekflugi al la varmaj landoj Z Li ekrajdis sur kerubo kaj ekflugis MT (figurasence) vento al li ekflugis sub la haŭto Z
ekflugo
1 ago ekflugi.
2 AVIA ago forlasi la teron aŭ akvon, de la starto ĝis la flugo.
elflugifluge eliri: li ellasis korvon, kaj ĝi elflugis MT (figurasence) murmuro de surpriziĝo elflugis el la buŝoj
enflugi fluge eniri:la elfo kun la tuta abelsvarmo brue enflugis, por lin mortigi Z hirundo enflugis en la laŭbon Z io enflugis al mi en la okulon! Z (figurasence) enflugas ŝtonoj kaj brulaĵoj en la ĉambron Z
forflugi
1 fluge foriĝi: tuj kiam la suno leviĝis, la cignoj forflugis de la insuleto Z ni forflugos for de la abomeninda talpo Z kaptu lin kiel forflugintan venton Z
2 foriĝi malaperante: riĉeco forflugas al la ĉielo MT neniam la tempo tiel rapide forflugis por ŝi Z forflugos afliktoj kaj ĝemado MT jam de longe forflugis mia juneco la dormo forflugis de liaj okuloj
longafluga kapabla flugi longan distancon: longfluga aviadilo
preterfluge preterflugante: ŝi nur pase, preterfluge apenaŭ ion aŭdis pri tio Z
preterflugi fluge preterpasi: apud la lampo preterflugis birdo B ŝi ĵetis nur preterflugantan rigardon sur la knabineton Z
reflugi fluge reveni: fluganta kaj refluganta en la vento Z
rondflugi ntr flugi cirkle laŭ ronda linio: alte, super la taĉmento rondflugis kelke da vulturoj B ➞ orbiti 2.
senflugila ne havanta flugilojn: statuo de la senflugila Venko
senflugilulo ZOOL insekto, ĝenerale sen flugiloj; prainsekto. membro de la subklaso Apterygota (senflugiluloj) el la ordo Insecta Sin. senpterigulo.
superflugi tr flugi super io: la aviadiloj superflugis la urbon
superflugo, superflugado ago superflugi: la superflugado de certaj zonoj estas malpermesita en multaj landoj
surflugi flugi sur ion:la birdo surflugis sur la tegmenton FE
ŝveboflugi ZOOL flugi apenaŭ movante la membrojn: aroj da marbirdoj ŝvebflugis super ni HBu
traflugi tr
1 fluge trairi ion: ŝi cikonio traflugis malgrandan distancon Z traflugis anĝelo preter orelo Z
2 rapide senbare trairi ion: tiu penso traflugis lian spiriton stranga ideo traflugis al li tra la kapo traflugi la tutan vivon honeste, virte kaj feliĉe Z
transflugi tr
1 fluge transiri aŭ transpasi ion: transflugi urbon transflugi monton en sia vojaĝo suden la migrantaj birdoj jam transflugis migris B ili intencis per memkonstruita aviadilo transflugi Atlantikon LSt (figurasence) pri vortoj transflugante el unu buŝo en alian Z
2 rapide aŭ facile transpasi: krio disvastiĝis transflugante el unu buŝo en alian Z la infana animo nun kvazaŭ devis transflugi en pli prudentan personon ĉe konfirmacio Z
transflugo ago transflugi: la transflugo de sovaĝaj anasoj