PIV · 7930
★klub/o
★klub/o
1 Societo de personoj, kunigitaj de unu sama intereso k periode kunvenantaj por tiucela agado: alpisma, turisma, golfa, teatra klubo; klubo de E-istoj Z; la Londona Klubo E-a Z; ŝakklubo, kinoklubo.
2 Fermita societo, kies anoj estas balote kooptataj k havas kunvenejon por distriĝo, manĝado, nekonstanta loĝado ktp.
klubano. Ano de klubo.
klubejo. Kunvenejo de klubo.
flugoklubo. Centro de formado k trejnado por civilaj pilotoj.
kinoklubo. Societo, kiu organizas por siaj anoj projekciadon de filmoj k debatojn pri ili.
noktoklubo. Amuzejo, nokte malfermata teorie nur al la anoj, por drinkado, dancado, kartludo ktp. ☞ kabareto.
radioklubo ☇ Klubo de radioamatoroj.
sportklubo. Asocio, ĝenerale kun propra ejo, por la praktikado de plurspecaj sportoj.