PIV 2026 · Artikolo 15242

ŝvebi

Litero Ŝ

Derivaĵoj en la artikolo 10
  1. ŝvebo
  2. ŝvebad/o
  3. ŝvebaĵ/o
  4. ŝveber/o
  5. ŝvebig/i
  6. alŝvebi
  7. ĉirkaŭŝvebi
  8. enŝvebi
  9. preterŝvebi
  10. traŝvebi
ŝvebi ntr
1 ZOOL resti kvazaŭ pendanta en la aero kun etenditaj flugiloj ne moviĝantaj: la nizo longe ŝvebis (figurasence) la spirito de Dio ŝvebis super la akvo MT ➞ ŝvebflugi.
2 AVIA flugi ĉirkaŭe malrapide, ĉe proksimume la sama nivelo, super la sama loko: la aviadilo ŝvebis super la aerodromo, atendante la alteriĝan permeson ➞ glisi.
3 io konkreta resti pendanta en aero, preskaŭ ne ŝanĝante la lokon: super la marĉejo ŝvebas densa nebulo Z grizaj nuboj ŝvebis super la vintra pejzaĝo la ĉielo, tiu ŝvebanta senbrua oceano Z mantelo el nigra veluro ŝvebas super la ĉevalo Z
(analoge) la peza ŝtono fariĝis ŝvebanta, dancanta, aere malpeza junulino Z belaj knabinoj, graciaj kaj flugetantaj, ŝvebis dancante tien kaj reen Z
➞ flirti.
4 FIZI KEMI resti en akvo, nek supriĝante nek malsupriĝante: korpo povas flosi, ŝvebi aŭ sinki laŭ sia specifa pezo eroj de solido ŝvebas en likvo post agitado
5 io rigardata kiel nemateria daŭre restadi, preskaŭ senŝanĝe, en loko, en imago k.s.: ŝvebas en la aero ebriiga odoro de siringoj kanzonoj ŝvebis tra la silenta arbaro tiu vizaĝo en la rememoro ankoraŭ ŝvebas antaŭ mia animo Z ideo, kiu ŝvebas en la aero ili retenis ne diris tion, kio jam ŝvebis ĉe ili sur la lango Z
6 (figurasence) restadi necerta aŭ nedecidita: dum du tagoj li ŝvebis inter vivo kaj morto la proceso ankoraŭ ŝvebas ni vivas en la streĉo de l’ necerto, super ni ŝvebas la hazardo strangaj famoj ŝvebas en la internacia atmosfero ➞ flosi, fluktui 1, naĝi.
Sin. flugpendi.
ŝvebo
1 ago ŝvebi, ŝvebado: ŝvebo inter dormo kaj maldormo RSc
2 BELE poezia licenco, per kiu la ritmo provizore forŝoviĝas kaj anstataŭ jambo aŭ trokeo oni ricevas pirikon.
ŝvebado ago ŝveb(ad)i: ŝvebado de glisilo ŝvebado de nebuleto
ŝvebaĵo KEMI suspensio 2.
ŝvebero suspensiero.
ŝvebigi suspensiigi.
alŝvebi ŝvebi alproksimiĝante: moviĝadis figuro Ĝi alŝvebis tute proksimen al ŝi Z
ĉirkaŭŝvebi tr ŝvebi ĉirkaŭirante ion: la grandaj nigraj birdoj ĉirkaŭŝvebis ĝin en rondo Z super ili eksonis la nevidebla sankta sonorilo, ĉirkaŭŝvebata de sanktaj spiritoj Z (figurasence) la mistera morto de la prezidanto ĉirkaŭŝvebas la publikan debaton MD
enŝvebi eniri ŝvebante: ĉiuj sonĝoj denove enŝvebis Z
preterŝvebi, traŝvebi preterpasi aŭ trapasi ŝvebante: en la ĝardeno preterŝvebis juna knabino Z traŝvebis antaŭ ŝi aperaĵo Z