PIV 2026 · Artikolo 10775
★naĝi
Derivaĵoj en la artikolo 17
★ naĝi ntr
1 besto translokiĝi sur aŭ en akvo per movoj de membroj aŭ de korpoparto: kankroj naĝas retroe per la piedoj kaj per unu brako li penis naĝi antaŭen Z naĝi malproksimen sur la maro Z naĝi sur la brusto naĝi flanko naĝi dorso naĝi tra rivero naĝi kun la tajdo naĝi kontraŭ la fluo naĝi unu mejlon li naĝas kiel ŝtono (proprasence kaj figurasence) fiŝo granda naĝas profunde por granda celo, grandaj rimedoj Z
2 io flosi: la lago estis kovrita per naĝantaj folioj FE ĉirkaŭe naĝis grandaj montoj de glacio Z sovaĝaj anasoj peze kaj dormeme naĝis sur la akvo Z kadavroj naĝis en la rivero (analoge) nuboj, kiuj naĝis super ĝi matene kaj vespere Z (figurasence) en liaj okuloj kvazaŭ naĝis feliĉaj rememoroj kaj antaŭsentoj Z ➞ flugi, ŝvebi.
3 (figurasence) troviĝi en ia likvo relative abunda: la mortigito naĝis en sia sango makaronioj naĝantaj en varma butero supo kun naĝantaj buletoj Z
4 (figurasence) troviĝi en stato de ia abundeco: naĝi en riĉaĵoj B naĝi en plena feliĉo
naĝa rilata al naĝo: la naĝa aparato de polpo
naĝo ago naĝi: fiŝo scias pri naĝo ankaŭ sen via saĝo Z subakva naĝo
naĝadi longe aŭ kutime naĝi: ŝi ofte naĝadis renkonte al la vikingo, kiam lia boato estis alproksimiĝanta Z kiam ili povis supozi, ke rompiĝos ŝipoj, ili naĝadis antaŭ la ŝipoj kaj kantadis Z
naĝejo SPOR loko pretigita por naĝado en parko, urbo k.a.
naĝilo ZOOL
3 SPOR kaŭĉuka duonŝuo kun larĝa surfaco por helpi al subakva naĝado.
naĝisto SPOR homo, kiu praktikadas la naĝan sporton: li estis bona naĝisto Z ➞ batalnaĝisto.
alnaĝi al, ĝis aŭ tr atingi ion naĝante: tien ĉi alnaĝis la virineto Z ĝi naĝis, ĝis ĝi fine alnaĝis al tero Z ili la fiŝoj alnaĝadis al la vitraj muroj Z la virineto de maro alnaĝis ĝis la fenestro de la kajuto Z alnaĝi la kontraŭan bordon de rivero (figurasence) per la fadeno de rememoroj alnaĝis al ŝi la bela vizaĝo de la patrino Z
elnaĝi ntr eliĝi naĝante: ŝiaj fratinoj elnaĝis el la internaĵo de la maro Z nur lia kapo elnaĝis plu (figurasence) multe elnaĝis en ĝia memoro Z
fornaĝi ntr foriĝi naĝante: la ligna ŝuo fornaĝis Z tiam la virineto de maro fornaĝis kaj kaŝis sin post kelkaj altaj ŝtonoj Z (figurasence) antaŭaj kutimoj, sentoj kaj ligoj, kiuj fornaĝis en neatingeblan malproksimon Z
subnaĝi ntr subiĝi naĝante: ŝi subnaĝis profunde en la akvon Z
suprennaĝi ntr veni supren naĝante: la hakilo suprennaĝis per miraklo MT ofte la kvin fratinoj suprennaĝadis en unu linio super la akvon Z
surnaĝi ntr resti sur la supraĵo de akvo: laŭ la specifa pezo unu korpo surnaĝas, ŝvebas aŭ subiĝas mia floso bone surnaĝis AKr
tranaĝi tr trairi akvon naĝante: la hund’ kun granda pec’ vianda riveron estis tranaĝanta KKa Bajrono tranaĝis Dardanelojn
transnaĝi tr transiri akvon naĝante: ĉar la akvo estis tro alta, oni devis ĝin transnaĝi
transnaĝebla tia, ke oni povas transnaĝi ĝin: nek transnaĝeble, nek transireble Z