★kil/o

1 ⚓ Malsupra ĉeftrabego aŭ trabkunaĵo, kiu etendiĝas de la antaŭo ĝis la malantaŭo de la kareno, k sur kiu sin apogas la tuta ligna aŭ ŝtala strukturo de ŝipo: la kilo estas kvazaŭ la spino de la ŝipo. ☞ kilsono.

2 ♉ a) Elstara kresto, havanta la aspekton aŭ formon de ŝipkilo: kilo de skvamo de serpento. b) (ĉe fiŝoj) Naĝilo kun maldikaj ostoj, servanta kiel kilo por teni la ekvilibron en la akvo.