PIV 2026 · Artikolo 6165
★homo
Derivaĵoj en la artikolo 36
- homa
- homar/o
- homar/an/a
- homar/an/o
- homar/an/ism/o
- homec/o
- homed/o
- homet/o
- homid/o
- homiĝ/ad/o
- homin/o
- afiŝhomo
- ĉiuhoma
- grandhomec/o
- ĝentilhomo
- interhoma
- kavern/ohomo
- komun/ehoma
- komun/e-homa
- kunhomo
- kvazaŭhomo
- lert/a homo
- malhomo
- mult/ehoma
- nehoma
- pajlohomo
- prahomo
- ranhomo
- rekt/a homo
- saĝ/a homo
- senhoma
- senhomej/o
- senhomig/i
- superhoma
- superhomo
- virhomo
★ homo
1 ZOOL PALE mamulo karakterizata de vertikala teniĝo, forte evoluinta cerbo kaj lingvokapablo. genro Homo, precipe la specio Homo sapiens ➞ homoideo, homedo, homeno; adamido.
2 KOMU homo 1 kontraste al (aliaj) bestoj: infano ne estas matura homo FE Dio kreis la homon en formo de viro kaj virino MT mi estas nur homo! mi ne faras miraklojn kvankam reĝo, li estis tamen homo la Filo de homo Jesuo NT vesto homon prezentas Z ĉiu homo amas sin mem FE malfeliĉo ofte kunigas la homojn FE Vi ekstermos ĉi tiun popolon kiel unu homon MT ➞ persono.
3 servisto aŭ domano: mi ne kuraĝis sendi iun el miaj homoj Z ili forsendis la sklavon de Abraham kaj liajn homojn MT
homa rilata al homo(j), propra al homo(j): homa buŝo MT homa prudento Z homa svarmo Z homaj lingvoj Z ne ĉiam daŭras homa sufero Z la homaj sentoj ne al glavo sangon soifanta ĝi la homan tiras familion Z homa ordono MT ➞ humana, homplena.
homaro la tuto de la homoj: Zamenhof estis bonfaranto de la homaro peko kaj eraro estas ecoj de l’ homaro Z la bela sonĝo de l’ homaro Z ni ĉiam memoru pri bon’ de l’ homaro Z
homarana rilata al homaranoj: homaranaj kunvenoj Z homaranaj temploj Z homaranaj kalendaroj Z
homarano
1 homo konsideranta sin solidara kun la tuta homaro. ➞ homamo, internaciisto, kosmopolito, mondcivitano, sennaciulo.
2 ano de homaranismo.
homaranismo politika-religia doktrino iniciatita de Zamenhof por servi kiel ponto inter la liberpensuloj el ĉiuj komunumoj: la homaranismo estas celado al pura homeco kaj al absoluta intergenta justeco kaj egaleco Z ➞ hilelismo, interna ideo.
homeco eco aŭ naturo de homo: depost la momento, en kiu mi perdis la kredon pri mia homeco, miaj suferoj finiĝis Z la lingvo apartenas al la homo surbaze de lia propra naturo, de lia homeco mem ILa ni samtempe festas nian komunan homecon OE ➞ humaneco.
homedo mamulo en tiu taksonomia familio, kies tipgenro estas homo. membro de la familio Hominidae (homedoj)
hometo malalte kreskinta homo: malfeliĉa hometo! Z
homido BIBL homo, simbole konceptata: kio estas homido, ke Vi pensas pri li? MT Liaj palpebroj esploras la homidojn MT ➞ filo Ⓔ.
homiĝado PALE tuto de la biologiaj kaj sociaj procezoj, kiuj ebligis la transiron de ankoraŭ bestaj prauloj ĝis modernaj homoj.
homino inseksa homo.
afiŝhomo homo, kiu iras sur la stratoj portante afiŝtabulon sur la dorso.
ĉiuhoma rilata al ĉiu homo sen diferenco de gento, nacio ktp.
grandhomeco eco de granda homo; noblanimeco: manio de grandhomeco Z
ĝentilhomo (arĥaismo) = ĝentlemano.
interhoma koncernanta la rilatojn inter homoj.
kavernohomoprahistoria homo.
komunehoma, komune-homa komuna al ĉiuj homoj: akiri al ni lingvon komunehoman Z religio komune-homa Z
kunhomo unu homo rigardata de alia kiel egala membro de la homaro: honesta kaj deca konduto al niaj kunhomoj MalR oni ĉesas troviĝi inter samgentanoj kaj ekrilatas nur kiel kunhomoj CPi
lerta homo frua speco de homo, kiu vivis antaŭ ĉirkaŭ 2,5 ĝis 1,44 milionoj da jaroj en orienta Afriko. specio Homo habilis
malhomo malhumana homo; monstro: hontu vi, malhomoj! Z
multehoma homplena: la urbeto ne estas tre multehoma Z formoj, kiuj post multehoma praktika uzado montriĝis nebonaj Z tie estas tiel malvarme, multehome Z
nehoma fremda al la vera homo.
pajlohomo persono, sub kies nomo alia negocas aŭ komandas.
prahomo la homo en sia primitiva stato.
ranhomo specialisto, kiu, ekipite per kaŭĉuka kombineo, spirmasko kaj aerujo, kapablas sin movi kaj labori sub la akvo dum iom longa tempo.
rekta homo la plej frua speco de homo; estiĝis antaŭ du milionoj da jaroj kaj eventuale formortis. specio Homo erectus ➞ pitekantropo.
saĝa homo moderna homo.specio Homo sapiens
senhoma neloĝata de homoj.
senhomejo senhoma loko: la arbaraj senhomejoj de la interna Afriko Z
senhomigi senigi lokon je loĝantoj: pesto kaj milito senhomigis la tutan landon
superhoma posedanta aŭ montranta eksterordinaran kapablon aŭ potencon: li faris superhomajn penojn por savi al ni nian infanon Z superhoma tasko homoj preferas havi la senton ke iu/io superhoma gvidas ilin Ko
superhomo homo havanta eksterordinare superajn kvalitojn, kapablojn aŭ povojn: Niĉeo anoncis la alvenon de la Superhomo
virhomo virseksa homo.