PIV 2026 · Artikolo 8239

konekti

Litero K

Derivaĵoj en la artikolo 19
  1. konekta
  2. konekto
  3. aŭtobus/a konekto
  4. flug/a konekto
  5. kaskad/a konekto
  6. paralel/a konekto
  7. seri/a konekto
  8. trajn/a konekto
  9. konektil/o
  10. aŭtobuskonekto
  11. flug/okonekto
  12. interkonekti
  13. malkonekti
  14. malkonektil/o
  15. miskonekto
  16. ret1konekto
  17. terkonekto
  18. trakonekti
  19. trajnkonekto
konekti tr
1 ELEK kunigi du punktojn de cirkvito per konduktilo, ŝtopilo ktp; kontaktigi la erojn de cirkvito. Sin. enŝalti 1. ➞ kluĉi, kontakti, kupli, ŝalti.
2 ANAT kunigi per nervoj aŭ nervoĉeloj du anatomiajn elementojn (organojn, partojn de organo, ĉelojn).
3 (vastasence) kunligi aŭ kontaktigi por ebligi komunikadon, transportadon k.s.: konferenco kun temo «Ligu la neligitajn», ni konektu la personojn el la tria mondo pere de materialo por celi cirkuladon de la informado OE krei kanalon por konekti la marojn Ko trideko da flugkompanioj rekte flugas al Bonaero . Multaj aliaj konektas ĝin kun la cetera mondo per nerektaj flugoj RE!
konekta tia, ke ĝi ion konektas; rilata al konektado: mi ne havas komputilon kaj devas veturi al la ĉefurbo por aĉeti konektan karton MMz ambaŭ flughavenoj estas atingeblaj rekte aŭ per konektaj flugoj RE! konekta aŭtobuso konekta flugo konekta trajno ➞ aŭtobuskonekto, flugokonekto, trajnkonekto
konekto ago konekti kaj ties rezulto: tie ni havis kablan konekton JPV Aŭstrio kaj Ĉeĥio ambaŭ disponas pri gasoduktaj konektoj en la direkto orienta-okcidenta EGv komputilo kaj interreta konekto estas nepre bezonataj DRo islamo perdis la konekton kun la moderna mondo OE ➞ konektoskemo.
aŭtobusa konekto aŭtobuskonekto.
fluga konekto flugokonekto.
kaskada konekto tia konekto de elektra aparato, ke la elmeto de unu ŝtupo estas ligita al la enmeto de la sekvanta ktp (kiel en radioricevilo).
paralela konekto tia konekto de du aŭ pluraj dupolusaj elementoj (ekz. aparatoj), ke ĉiuj estas submetitaj al la sama tensio.
seria konekto tia konekto de du aŭ pluraj dupolusaj elementoj (ekz. aparatoj), ke la sama kurento trafluas ilin ĉiujn.
trajna konekto trajnkonekto.
konektilo organo, per kiu oni konektas: KOMP konektilo por presilo konektilo por modemo ➞ ĵako, ŝtopilo.
aŭtobuskonekto, TRAF konekto kun aŭtobuso, per kiu oni povas konvene pluveturi post alveno al aŭtobusa haltejo per aŭtobuso aŭ alia veturilo. Sin. aŭtobusa konekto. ➞ flugokonekto, trajnkonekto.
flugokonekto TRAF konekto kun aviadilo, per kiu oni povas konvene pluflugi post alveno al flughaveno per aviadilo aŭ alia veturilo. Sin. fluga konekto. ➞ aŭtobuskonekto, trajnkonekto.
interkonekti krei konekton inter io kaj io alia: Venezuelo kaj Kolombio, kiujn oleduktoj kaj gasoduktoj povus interkonekti MD mondo ĉiam pli interkonektita kaj interdependa JAV
malkonekti
1 disigi du punktojn de cirkvito per tiucela ilo: la ŝaltilo, kiu malkonektas la cirkvitojn, kies konektado ebligas la funkciadon de la aparato OE
2 (vastasence) malligi aŭ disigi por malebligi komunikadon, transportadon k.s.: ĉu la evangelio estas tro ĉiela, ĉu ĝi malkonektas nin disde niaj najbaroj? PDa enfermita en konservatorio, ĝi kulturo vane turniĝas, malkonektita de la vivaktualeco GLe
malkonektilo ilo por malkonekti cirkviton, ne malŝaltante kurenton.
miskonekto malbona konekto.
ret1konekto konekto al la Interreto: 49% de la loĝantaro en Kolombio havas retkonekton Ko
terkonekto
1 TELE konekto per drato inter radioaparato kaj la tero 5.
2 ELEK konekto inter elektra aparato kaj la tero 5 por ŝirmi uzantojn kontraŭ akcidenta ellaso de elektro.
trakonekti TELE enmeti uzanton en cirkviton: mi trakonektas al vi la direktoron
trajnkonekto TRAF konekto kun trajno, per kiu oni povas konvene pluveturi post alveno al trajnstacio per trajno aŭ alia veturilo: ĝi Germanujo havas multajn najbarajn landojn, flughavenojn kaj malmultekostajn trajnkonektojn Ko Sin. trajna konekto. ➞ aŭtobuskonekto, flugokonekto.