PIV 2026 · Artikolo 13402
1★reto
Derivaĵoj en la artikolo 24
1 ★ reto
1 teksaĵo el ŝnuroj, fadenoj k.s., interplektitaj kun grandaj interspacoj: la pilko trafis en la reton ĉe teniso ĉapeloj balanciĝadis en la reto supre ĉe la plafono de la kaleŝo Z sako el reto ➞ maŝaro.
2 reto 1 de diversaj formoj kaj dimensioj, uzata por kapti bestojn: reto por papilioj Mi ĵetos sur ilin Mian reton; kiel birdojn de la ĉielo Mi tiros ilin malsupren MT mi sternos mian reton kontraŭ li MT (figurasence) la ludo de l’ aktoroj estu reto, por kapti konsciencon de la reĝo! Z la trompistoj elteksis reton ĉirkaŭ via kapo Z tiuj kelkaj scienculoj, kiuj lasis sin entiri en reton Z virina rideto pli kaptas ol reto Z kontraŭ iliaj ruzaj retoj ni insiste avertas Z
3 reto 1 de grandaj dimensioj, uzata por kapti fiŝojn: la reto ja apenaŭ estis ĵetita en la akvon, oni jam tiradis plenajn ĉarojn da haringoj Z li vidis aliajn du fratojn en la ŝipeto , riparantajn siajn retojn NT la tinusoj rompis la retojn
4 aranĝo de interkruciĝantaj linioj kun interspacoj, iel simila al reto 1: reto de vejnoj reto de atomoj en kristalo streĉi super la unuaj tranĉeoj ŝtalan reton da pafaĵoj
(figurasence) reto da intrigoj B reto da mensogoj CPi la reto de la interimplikitaj interesoj
➞ retstomako.5 sistemo de konektoj aŭ komunikiloj: fervoja reto ŝosea reto kanala reto telefona reto komputila reto reto de akvoduktoj
6 aro de personoj, kiuj interligiĝas por komuna agado: la societoj esperantistaj formas unu vastan reton, kiu etendiĝas super ĉiuj landoj Z tiu aŭtomobila firmao disponas reton da agentoj en la tuta lando reto da spionoj reto da rezistantoj
7 MATE ĝeneraligita vico, kiu servas kiel vico en nemetrikaj topologiaj spacoj. ➞ filtrilo 5.
8 KOMP
a grupo de komputiloj kaj aliaj aparatoj sisteme interligitaj por interŝanĝi datumojn: loka reto hejma reto oficeja reto
b Interreto: la paro utiligas la modernajn rimedojn por publikigi videojn de siaj novaj kantoj en la reto Ko
Reto, Reteto ASTR malgranda sudhemisfera konstelacio. Reticulum
retaĵo
1 laboraĵo el reto: seĝo kun kana aŭ pajla retaĵo
2 filigrano 1.
retejo KOMP kolekto de interligitaj retpaĝoj, kutime alireblaj ĉe la sama retregiono kaj gastigataj ĉe la sama servilo: la ĵurnalisto disvastigis pere de la socia retejo Twitter sian vidpunkton pri la afero RPi Sin. retpaĝaro, TTT-ejo.
retumi KOMP pasigi tempon en la Interreto: la aparateto ebligas retumi kiam ajn kaj kie ajn per la makintoŝa krozilo Safari PPe
retumilo KOMP programo, per kiu oni rigardas kaj esploras retejojn:la programo servas ankaŭ kiel retumilo, organizilo, kalendaro, ludilo ktp PPe Sin. krozilo, TTT-legilo.
antena reto aro de pluraj antenoj, kiujn oni ekscitas samtempe, kaj kiu servas por emisii aŭ kolekti energion je difinita direkto.
bazarreto sako el reto, por porti paketojn.
dratreto reto el dratoj: barilo el dratreto
enĉel1a reto, endoplasma reto BIOL en eŭkariotaj ĉeloj sistemo de membranoj, formanta saketojn kaj tubetojn, kiu rolas en la produktado de novaj membranoj (i.a. por fari vakuolojn) kaj sintezo de makromolekuloj: enĉela reto glata sen ribosomoj, malglata kun surmembranaj ribosomoj
enretiĝi kaptiĝi en reto: (figurasence) vi enretiĝis per la vortoj de via buŝo MT
fiŝreto reto uzata por kapti fiŝojn.
harreto fajna reto por kunteni la harojn.
Interreto ankaŭ minuskle KOMP tutmonda komputila reto: UEA pli kaj pli aktive uzas la Interreton por sia komunikado HTo la projekto estis unue publikigita en la interreto en la jaro 2001 Ko Sin. reto 8 b.
ĵetreto konusforma fiŝkapta reto kun plumbaĵoj, kiun oni mane ĵetas.
latreto latkrado.
line1oreto ELEK TELE reto 5 de lineoj 1 uzataj por transsendi elektran energion aŭ telekomunikajn kurentojn.
nutroreto EKOL nutroĉeno.
skrapreto trolo 1.
telefonreto TELE tuto de la telefonaj lineoj 1 en unu urbo, regiono, aŭ apartenantaj al unu societo.
tinusreto speciala reto por kapti tinusojn.
trenreto sejno 1.