PIV 2026 · Artikolo 15218
★ŝtopi
Derivaĵoj en la artikolo 19
★ ŝtopi tr
1 fermi truon plenigante ĝin per ia substanco: ŝtopi fendon en barelo B ŝi metis ilin ŝtonojn super la senvivajn korpojn kaj ŝtopis la aperturojn per musko Z rompiĝis tabulo en la ŝipo, la akvo penetris internen; oni penis ŝtopi la fendon Z mi per vakso ŝtopis la orelojn de miaj kunuloj, ke ili ne aŭdu la sirenojn vino en ŝtopitaj boteloj (figurasence) ŝtopi breĉojn ŝtopi manklokojn en manuskripto ➞ ŝtopgarnaĵo.
2 obstrukci ion malhelpante eniron aŭ eliron: la neĝo ŝtopas la pordon de la kabano stratoj ŝtopitaj pro troa trafiko
(figurasence) se iu ŝtopas sian orelon kontraŭ kriado de malriĉulo MT tiu deziro ŝtopis la voĉon en la brusto Z
3 tute plenigi: ŝtopi al si la poŝojn per mono Z ili eĉ ŝtopas ĝin la ibison per bonodoraj herbaĵoj, kion ili nomas balzami Z mi preferas diris la cikonio lasi ŝtopi min per vivantaj ranoj Z ŝtopi al si la stomakon (figurasence) dika libro ŝtopita per statistikoj Sin. plenŝtopi.
4 plenigi truon en ŝtofo (precipe trikita) interkrucante fadenojn aŭ farante densajn randajn kudrerojn ĉirkaŭ la truo ĝis plenigo: ŝtopi ŝtrumpojn ➞ teksi.
ŝtopado agado ŝtopi: al kavo senfunda ŝtopado ne helpas Z la nilono ĉesigis la ŝtopadon de la ŝtrumpoj
ŝtopaĵo substanco, per kiu oni ŝtopas. ➞ ŝtopgarnaĵo, ŝtopvorto.
ŝtopiĝi iĝi ŝtopita: la gastubo ŝtopiĝis de la demetaĵoj (figurasence) ŝtopiĝos la buŝo de tiuj, kiuj parolas malveron MT
ŝtopiĝo
1 ago ŝtopiĝi.
2 TRAF trafikŝtopiĝo.
ŝtopiĝejo loko, en kiu la trafiko, varfluado, produktoserio k.s. estas ŝtopata pro tromulteco, striko ktp. ➞ botelkolo.
ŝtopilo
1 peco (el korko, kaŭĉuko, metalo, vitro, plasto k.c.), per kiu oni ŝtopas botelon aŭ elfluilan truon.
2 ELEK organo en izola tenilo ĉe la fino de ŝnurkonduktilo por fari elektran kontakton: ina ŝtopilo vira ŝtopilo tristifta ŝtopilo Sin. ŝtopkontaktilo. ➞ ĵakŝtopilo.
smirga ŝtopilo (arĥaismo) ŝtopilo de farmaciaj flakonoj.
ŝtopilingo ELEK kava kontakta organo, en kiun oni enigas ŝtopilon por fermi cirkviton: ina ŝtopilingo vira ŝtopilingo ➞ kontaktoskatolo.
buŝoŝtopilo io, kion oni perforte enmetas en ies buŝon kaj fiksas per ŝtofa bendo por malhelpi kriojn, alvokojn k.s.
cerboŝtopi trompi iun, ekz. la publikon prezentante malveraĵojn sub oficiala, insista aŭ alloga formo. ➞ slogano, reklamo.
kropŝtopi perforte ŝtopi la kropon de ansero per nutraĵo por dilati ties hepaton, kiun oni poste uzas en kuirado.
malŝtopi
1 tiri la ŝtopilon el la kolo de botelo: malŝtopi flakonon
2 malobstrukci: oni fine malŝtopis la elirkanalon de la lago
plenŝtopi ŝtopi 3: plenŝtopita dorsosako SEn plenŝtopita semajno IKo temaro, kiu kutime plenŝtopis dumkongresajn diskutojn ULi se mi plenŝtopas miajn frazojn per esprimoj, kiujn vi apenaŭ konas JWe
reŝtopi remeti ŝtopilon en ion: kiam la kavaĵo estis finita, la viro reŝtopis la truon CPi uzinte, reŝtopu!
smirgoŝtopilo vitra ŝtopilo, kies konusa parto prezentas smirgan surfacon.