PIV 2026 · Artikolo 9089

lanco

Litero L

Derivaĵoj en la artikolo 3
  1. lancet/o
  2. lancist/o
  3. ĵetlanco
lanco ilo konsistanta el longa ligna stango kaj akra pinto, uzata en batalado, ĉasado aŭ sportado (ĵetlanco 2): Saul intencis alpiki per la lanco Davidon al la muro MT ili forĝos el siaj lancoj rikoltilojn MT Valter la Mizerulo tiel fortege ekpuŝis el la selo la Ursrajdanton, ke splitoj de la lanco flugis en la aeron Z ➞ halebardo; lancoforma, lancoportisto.
lanceto MEDI ĥirurgia instrumento konsistanta el pinta kaj akra klingo, uzata por vakcini, incizi ktp.
lancisto soldato armita per lanco. ➞ ulano.
ĵetlanco
1 iom pli mallonga lanco, kiun oni ĵetas per la mano aŭ maŝino. ➞ lancoĵeto.
2 SPOR lancoforma ĵetilo uzata en atletismo.