PIV 2026 · Artikolo 7007
★ĵeti
Derivaĵoj en la artikolo 51
- ĵeti si/n
- ĵeto
- ĵetad/i
- ĵetad/i si/n
- ĵetad/o
- ĵetaĵ/o
- ĵeteg/i
- ĵetiĝ/i
- ĵetiĝ/ad/i
- ĵetil/o
- deĵeti
- disĵeti
- disĵeto
- kompton/a disĵeto
- disĵetec/o
- disĵetiĝ/i
- disĵetit/a
- disĵetit/ec/o
- disk/oĵeto
- ekĵeti
- elĵeti
- elĵetaĵ/o
- elĵetul/o
- enĵeti
- enĵetiĝ/i
- fajroelĵeta
- fask/oĵeta
- flamĵetil/o
- flank/e/nĵetiĝ/o
- forĵeti
- forĵeto
- forĵetad/o
- forĵetaĵ/o
- globoĵeto
- haŭt/o/deĵetad/o
- lanc/oĵeto
- lumĵetil/o
- martelĵeto
- priĵeti
- reĵeta
- reĵeti
- reĵeto
- rulĵeti
- sperm/elĵeti
- subĵeti
- superĵeti
- surĵeti
- ŝtonĵetil/o
- terĵetiĝ/i
- transĵeti
- transĵetiĝ/i
★ ĵeti tr
1 rapide aŭ vivege formovi ion de si tra la aero:ĵeti al iu ŝtonon ĵeti pilkon ĵeti grenadon ĵeti ŝnuron al dronanto ĵeti oston al hundo ĵeti perlojn antaŭ la porkojn Z ĵeti polvon en la okulojn Z ĵeti bastonon en la radon Z frenezulo, kiu ĵetas fajron, Sagojn, kaj morton MT ĵeti leteron en la paperkorbon mi ĵetis ĉirkaŭen spesojn kaj spesmilojn la ŝipo ĵetis ankron en la haveno de Christianssand Z la reto ja apenaŭ estis ĵetita en la akvon Z oni tuj ĵetis lin sur ĉaron Z ĵeti iun en riveron ĵeti tra la fenestro(n) sur la baskon oni ĵetas loton; Sed ĝia tuta decido estas de la Eternulo MT li ĵetis la malfermitan monpaperujon sur la marmoran plataĵon de la subspegula tableto Z
(figurasence) se vi mortas de la aflikto , ĵetu sur min la kulpon FDi mi ĵetas sur la aliulojn la respondecon de mia malbonfarto Ko ĵeti kalumniojn B ĵeti miskrediton sur iun
2 rapide aŭ senzorge surmeti vestaĵon: ĵeti nigran tukon sur sian kapon ĵeti ŝalon sur ies ŝultrojn ĵeti vualon sur ŝian nudecon
3 rapide aŭ vive direkti korpoparton al iu flanko: la virino subite leviĝis kaj ĵetis ambaŭ brakojn ĉirkaŭ la kolon de la knabino Z kun la kapo ĵetita posten B la greko ofte ĵetas avidegeOkulon al trezoroj malproksimaj Z
(figurasence) ŝi ĵetis rigardon ĉirkaŭen Z ŝi ĵetis rapidan rigardon sur la fremdulon Z preterpasante ĵeti vorton al iu B
4 malmilde aŭ vivege puŝi aŭ peli ion aŭ iun: ĵeti iun kontraŭ muron ĵeti iun teren ventego ĵetis teron sur lian ĉerkon Z la ventego ĵetis ŝipojn sur la mortodonajn rifojn Z (figurasence) kiom multe da homoj estas ĵetitaj en ĉi tiun mondon kvazaŭ nur por malfeliĉo! Z
5 vivege aŭ subite eligi ion el si: la fajrujo ĵetis vivan flamon ĵeti grandan fumon ĵeti multajn fajrerojn la suno ĵetis oblikve siajn radiojn la altaĵoj fariĝis violaj, ĵetante longajn ombrojn sur sablojn kaj kreskaĵojn B ĝi sendube ĵetos sur vian vojon lumon tre helan Z (figurasence) ĵeti larmojn ĵeti ĝemojn ĵeti militan krion B ĵeti minacojn al iu ĵeti rapidan adiaŭon la ofendo, kiun oni tie ĵetis al ŝi en la vizaĝon, estis nemeritita Z
6 (figurasence) subite estigi ian senton ĉe iu; meti iun en ian sentostaton: ĝi via volo ĵetos vin en malfeliĉon Z la junulo ankoraŭ nin ĉiujn ĵetos en mizeron kaj honton! Z
ĵeti sin
1 rapide kaj konscie movi sian korpon en ion aŭ direkte al io: kvinope ili sin ĵetis sur min FE li ĵetis sin kun ŝi en la maron Z sin ĵeti al la spegulo B kiam Haman vidis, ke Mordeĥaj ne ĵetas sin vizaĝaltere antaŭ li MT la infano kun krio de ĝojo ĵetis sin al ŝi renkonte Z Francisko
ĵetas sin al li sur la kolon Z li ĵetas sin sur la teron Z
ĵetas sin al li sur la kolon Z li ĵetas sin sur la teron Z
2 ĵetiĝi: la koro sin ĵetas en mi Z
ĵeto ago ĵeti kaj ties rezulto: per unu ŝtono oni du ĵetojn ne faras Z fari bonŝancan ĵeton de ĵetkuboj la ĵeto estas farita Z elekti per ĵeto de monero decidi per ĵeto de monero ĉu kapo, ĉu dorso➞ diskoĵeto.
ĵetadi daŭre aŭ ripete ĵeti ion:
1 por signo de bona humoro oni ĵetadis al si la ostojn reciproke en la vizaĝon Z estis tro multe da ili haringoj, oni ĵetadis ilin returne en la maron Z (figurasence) ĵetadi insultojn
3 ili ĵetadis kaŝitajn rigardojn sur la aliajn Z
4 la maro ĵetadis altajn ondojn Z
5 la nuboj ĵetadis ombron sur la akvon Z (figurasence) ĵetadi teruron sur la popolojn MT
ĵetadi sin
1 ripete sin ĵeti: ŝi ofte ĵetadis sin de la deklivo en la fortan fluon de la golfo Z
2 ĵetiĝadi: Francisko
ĵetadas sin sur sia seĝo tien kaj reen Z
ĵetadas sin sur sia seĝo tien kaj reen Z
ĵetado daŭra aŭ ripeta ago de iu ĵetanta.
ĵetaĵo io, kio estas ĵetita.
ĵetegi per granda forto ĵeti ion: per siaj tutaj fortoj li ĵetegis la seĝon sur la plankon Z mi sukcesis ĵetegi min tra la pordon ALö
ĵetiĝi
1 iĝi ĵetita: ili ĵetiĝu en fajron, En abismojn, ke ili ne leviĝu MT ĵetiĝi en la okulojn figurasence: evidentiĝi ondo da sango ĵetiĝis en ŝian kapon Z la maro malkviete ĵetiĝis sur la teron Z torente ĵetiĝis malsupren la akvo Z
2 vive movi sian korpon, kvazaŭ per instinkta nekonscia movo: li nur iom ĵetiĝis malantaŭen kaj ekklakis per la fingroj Z ŝi ĵetiĝis sur la teron kaj fosis per siaj manoj Z Janjo ne ĵetiĝis al ŝia kolo, kiel ŝi faradis antaŭe Z ĉi tie mi devas resti kaj kuŝi. (Ĵetiĝas sur la teron.) Z
ĵetiĝadi malkviete ripete sin turni de unu flanko al alia; ŝanĝadi sian sidan aŭ kuŝan pozicion: la infano ĵetiĝadis sur ĝi litaĵo kun preskaŭ senĉesa tusado Z (figurasence) pasioj, kiuj antaŭe dormis profunde, nun estis tute vekitaj kaj furioze ĵetiĝadis Z ➞ ruliĝado.
ĵetilo ilo por ĵeti; tipe mallonga rimeno inter du ŝnuroj, uzata por ĵeti malproksimen pezan rondan objekton: David prenis el tie ŝtonon, ĵetis per la ĵetilo kaj trafis la Filiŝton MT ➞ propulsilo.
deĵeti
1 faligi aŭ forigi ion per ĵeto: deĵeti la ŝuojn Z deĵeti sian veston Z la ĉevalo deĵetis sian rajdanton (figurasence) vi deĵetos lian jugon de via kolo MT
2 lasi ion fali de si: serpento deĵetas sian haŭton
(figurasence) subite deĵetante de si la seriozecon, kiu sen lia intenco falis sur lin Z tiam mi deĵetos mian pseŭdonimon Z
disĵeti disen ĵeti ion: disĵeti monerojn al buboj per nezorgeca mano, kiu videble kutimis disĵetadi grandajn sumojn Z la plenluno komencis disĵetadi brilon kaj lumon Z
disĵeto FIZI ŝanĝo de la rapido de partikloj pro kolizio kun alia partiklo: oni observas la dinamik on de molekuloj per disĵeto de neŭtronoj
disĵeteco disĵetiteco: la disĵeteco de l’ laboro de individuoj kaj grupoj Z
disĵetiĝi iri aŭ kuri disen: nebinditaj folioj de libro disĵetiĝis ĉirkaŭen Z disĵetiĝu Liaj malamikoj MT
disĵetita maldense lokita: domoj kaj bienetoj troviĝis disĵetite inter sablaj montetoj Z apartaj disĵetitaj ekzemploj Z mi vidis ĉiujn Izraelidojn disĵetitaj sur la montoj, kiel ŝafoj, kiuj ne havas paŝtanton MT ➞ dissemi.
disĵetiteco stato de io disĵetita. Sin. disĵeteco.
diskoĵeto SPOR atletisma konkurso, kiu konsistas en la kiel eble plej longdistanca ĵeto de disko 2: trejni sin je la diskoĵeto
ekĵeti subite ĵeti ion: ekĵeti krion (figurasence) ekĵeti sin en politikon CPi
elĵeti
1 eligi ion el si per ĵetado: kion la maro tie elĵetis? Z ondoj elĵetis korpon sur la marbordon Z la vulkano elĵetis fajron kaj ŝtonojn BIOL elĵeti spermon elĵeti venenon elĵeti polenon (figurasence) elĵetu la koleron el via koro B ➞ elkraĉi, elvomi, sputi, ŝprucigi.
2 eligi iun aŭ ion el iu loko, subite aŭ perforte: li ordonus elĵeti la malfeliĉan infanon sur la landvojon Z ni forlasis nian landon kaj estas elĵetitaj el niaj loĝejoj MT
(figurasence) la malriĉaj virinoj estas elĵetitaj el la regiono de industrio Z elĵetante el la lingvo vortojn, kies elĵetindeco ne estas ankoraŭ tute certa Z el kanto oni vortojn ne elĵetas Z vi ne devas elĵeti senutile elspezi tri spesmilojn por la edziniĝa krono de via filino! Z
➞ elpeli.elĵetaĵo io, kio estas elĵetita: la maraj elĵetaĵoj fiziologia elĵetaĵo (figurasence) elĵetaĵo de la homaro ➞ feĉo Z
elĵetulo iu, kiu estas elĵetita: sociaj elĵetuloj Z
enĵeti ĵeti ion en ion alian: enĵeti la leteron en la poŝtan keston Z kun ĉi tiuj vortoj eniris, aŭ pli vere enĵetis sin en la ĉambron virino Z
enĵetiĝi eniĝi kvazaŭ per ĵetado: la Norda maro enĵetiĝis en la ebenaĵon kaj la turo disfalis Z ➞ cunamo, inundo.
fajroelĵeta elĵetanta fajron: liaj nigraj, fajrelĵetaj okuloj Z fajrelĵeta drako
faskoĵeta TELE anteno tia, ke ĝi eligas faskon da ondoj al unu sola direkto, aŭ ricevas ondojn el unu sola direkto.
flamĵetilo ARME aparato, el kiu ŝprucas flamigita benzino.
flankenĵetiĝo ago, per kiu iu sin ĵetas flanken: la homon surprizis la subita flankenĵetiĝo de la virino Z
forĵeti
1 ĵeti for ion, kion oni ne volas konservi: forĵeti malnovajn paperaĵojn forĵeti malbonan pomon ŝi forĵetis de si siajn ŝtrumpojn Z mi estas objekto, kiun estas permesite laŭvole preni kaj forĵeti Z ni forĵetos malproksimen la verdan stelon Z elŝipe forĵeti (figurasence) forĵeti la malĝojon Z
2 (figurasence) malakcepti ion, kion oni opinias ne bona aŭ ne konvena: Dio ne forĵetos la preĝojn de maljuna homo Z forĵeti konsilon MT forĵeti instruon MT forĵeti ordonon MT forĵeti penson Z ĉion tion ĉi ni povos prijuĝi, sed ni neniam devos ĝin blinde forĵeti antaŭe Z kun energia protesto ni forĵetas tiun ĉi postulon Z
(analoge) li, kiun Dio ŝajne forĵetis Z vi forĵetos ilin kiel malpuraĵon MT
3 decidi ne plu uzi ion; rezigni pri io: mian projekton pri Centra Komitato mi kredeble forĵetos Z diversajn revojn utopiajn li forĵetis EPr mi decidis forĵeti la tro grandan vortaron Z ekzistas nenia neceseco, ke ni forĵetu la oportunan vorton jam konatan Z ili postulas, ke ni forĵetu ĉion, kion ni ĝis nun tiel malfacile akiris Z
forĵeto, forĵetado ago de iu, kiu forĵetas: la forĵeton de mia kontribuaĵo al via revuo mi rigardas ofenda post la forĵeto de la teraj zorgoj Z la forĵeto de la vorto «et» estis ne tute sen motivoj Z la forĵetado de la damnitoj
forĵetaĵo
1 ĉio, kion oni forĵetas kiel senvaloraĵon: pajlo, cindro kaj ĉiaspecaj forĵetaĵoj Z ➞ balaaĵo, feĉo, rekremento, rubo, vomaĵo.
2 BIOL ĉio malutila aŭ superflua, kiu estas forĵetata de la ĉeloj en la sangon.
globoĵeto SPOR atletisma konkurso, kiu konsistas en la kiel eble plej longdistanca ĵeto de ĵetglobo.
haŭtodeĵetadoago, per kiu serpentoj deĵetas sian haŭton.
lancoĵeto SPOR atletisma konkurso, kiu konsistas en la kiel eble plej longdistanca ĵeto de ĵetlanco 2.
lumĵetilo aparato por produkti intensan kaj reguligeblan faskon de paralelaj lumradioj. ➞ reflektoro, spoto.
martelĵeto SPOR atletisma konkurso, kiu konsistas en la kiel eble plej longdistanca ĵeto de martelo 3.
priĵeti trafi per ĵetado: Nabot estas priĵetita per ŝtonoj kaj mortis MT ➞ ŝtonumi.
reĵeta kapabla reĵeti: reĵeta cirkvito kun induktanco kaj kapacito
reĵeti ĵeti en kontraŭa direkto: reĵeti pilkon reĵeti lumradion (figurasence) reĵetu ilian mokadon sur ilian kapon MT ➞ reflekti.
reĵeto
1 ago reĵeti, aŭ ties rezulto.
2 rifuzo: reĵeto de la monda teknika strukturo MD reciproka reĵeto, per kiu la ekzisto de unu popolo postulas la ekskludon de la alia MD
rulĵeti ĵeti ion, ke ĝi ruliĝu: rulĵeti kubetojn
subĵeti
1 rapide aŭ perforte submeti iun: ili subĵetis tutan popolon al sklaveco
2 kontrabandi ion; fraŭde kunporti aŭ enkonduki ion.
superĵeti trafi iun per granda kvanto da ĵetataj aferoj: superĵeti iun per sagoj ĝi hodiaŭ superĵetas ilin per koto insultoj Z
surĵeti ĵeti ion sur io alia: ŝi surĵetis la tukon sur la kapon Z surĵeti kovrilon sur la liton ➞ superŝuti.
terĵetiĝi sin ĵeti teren: viaj sklavoj terĵetiĝos antaŭ Mi MT
transĵeti ĵeti ion al loko trans io alia: tabulo estos transĵetita trans la rivereto Z sin levadis la ŝaŭmanta akvo, minacante sin transĵeti super la mastoj Z
transĵetiĝi iĝi transĵetita: unu sola ondo transĵetiĝis super ŝi Z