PIV 2026 · Artikolo 2447

★cerbo

Litero C★ Fundamenta

Derivaĵoj en la artikolo 14
  1. cerba
  2. cerbaĵ/o
  3. cerbar/o
  4. cerbet/o
  5. cerbuj/o
  6. cerbum/i
  7. cerbum/ig/i
  8. elcerbum/i
  9. encerbig/i
  10. grandcerbo
  11. kuncerbum/ad/o
  12. mez/a cerbo
  13. ost/ocerbo
  14. sencerbul/o
★ cerbo
1 ĉe homo aŭ besto la rega centro de la centra nerva sistemo, troviĝanta en la kranio, kaj zorganta pri perceptado, atentado, memoro, emocioj kaj agado. ➞ cerboskuo.
2 (figurasence) cerbo 1 rigardata kiel la sidejo de pensado kaj prudento: venis al mi en la cerbon, ke arte fabrikita opinio, kiun oni perforte enbatas en la cerbon de ĉiuj Z pli multe via fingringo da cerbo ne pretendas? Z antaŭ la lango laboru la cerbo Z kapo majesta, sed cerbo modesta Z lia cerbo iris promeni li malsaĝiĝis dum momento Z ricevi muŝon en la cerbon same Z ➞ kapo 1, menso, prudento.
3 (arĥaismo) = medolo 1: mia patro havas en la ostoj cerbon de leono Z ➞ ostocerbo.
cerba rilata al la cerbo: cerba anemio cerba hemoragio cerba pedunklo cerbaj nervoj Sin. kraniaj nervoj ➞ cerbospina.
cerbaĵo KUIR besta cerbo (kutime bovida aŭ ŝafida), kuire pretigita: cerbaĵo kun bruna butero kaj kaporoj
cerbaro malgranda grupo el teĥnikistoj aŭ fakuloj komisiitaj difini agplanon por ministro, politikulo k.s.
cerbeto ANAT parto de la cerbo, konsistanta el tri loboj (vermiso kaj du cerbaj hemisferoj) kaj situanta post kaj sub la hemisferoj de la grandcerbo. cerebellum la cerbeto regulas la harmonian interefikon de la volaj movoj Sin. cerebelo.
cerbujo la parto de la kranio, kiu entenas la cerbon.
cerbumi ntr penege streĉi sian penson aŭ intelekton pri io: ne valoras cerbumi pri tia bagatelo mi cerbumis pri la morgaŭo, sed neniu inspira ideo venis al mi CRo ➞ kaprompa, rompi 3 Ⓔ.
cerbumigi igi iun cerbumi: tiu malfacila problemo nin multe cerbumigis
elcerbumi rezultigi ion per cerbumado: rompi la kapon por fine elcerbumi ion, kio absolute ne estas respondo al la problemo SSz
encerbigi profunde penetrigi ion en la memoron: encerbigi informojn RPi li pli kaj pli inside encerbigis al ŝi la ideon savi la socion CPi
grandcerbo ANAT ĉefa kaj plej antaŭa parto de la cerbo de vertebrulo, dividita en du hemisferoj, maldekstra kaj dekstra. Sin. cerebro.
kuncerbumado klopodo trovi solvon al problemo per seninterrompa kolektiva cerbumado.
meza cerbosupra parto de la cerba trunko. mesencephalon
ostocerbo medolo 1.
sencerbulo senpripensa homo: leterojn de sencerbuloj, kiuj volas fariĝi ministro de kaproj TEc