PIV 2026 · Artikolo 5303
★gluti
Derivaĵoj en la artikolo 10
★ gluti tr
1 malsuprenigi ion tra la gorĝo en la ezofagon kaj stomakon: gluti pilolon gluti viandopecon gluti glaseton da vino restis nenio absolute, nek por mordi, nek por gluti Z pastelo por suĉi, ne por gluti! senmaĉe gluti vi blindaj gvidantoj! kiuj elkribras la kulon kaj glutas la kamelon NT pri drinkaĵo oni bone glutis, oni fariĝis viglaj Z
2 (figurasence) malaperigi en sin; avide alproprigi: la ocean’, el bordo elirinte, sovaĝe glutas l’ ebenaĵon Z kiu glutis tro multe, tiu agas tro stulte Z gluti ion per la okuloj
gluto
1 la movo, per kiu oni glutas: li ĉion formanĝis per unu gluto trinki per longaj glutoj li faris malbonan gluton kaj estis atakita de konvulsia tusado Z
glutado agado de glutanto: salivo helpas al glutado
glutanto iu, kiu glutas: glutantoj de virinaj koroj Z
glutejo
1 fundo de la gorĝo; laringo.
2 faŭko aŭ abismo.
glutema avide manĝema aŭ trinkema.
engluti
1 iu malaperigi ion en sin, glutante: kial Vi ne lasas min libera eĉ tiom, ke mi povu engluti mian salivon? MT fiŝo pli granda malgrandan englutas Z fungon englutis! fiaskis Z
2 io malaperigi ion en sin: ilin englutis la tero MT
(figurasence) tiuj trajtoj karaj nun estis por ĉiam englutitaj de la mallumo de la morto Z kiel Ŝeol ni englutos ilin vivajn MT la nuboj englutis la sunon
3 (figurasence) malaperigi ion per ekposedo, alproprigo aŭ konsumo: homo malsaĝa ĉion englutas MT se vi krudulon salutos, li vin tutan englutos Z tiu aŭ alia gento nin ekonomie englutos! Z tiuj ĉi provoj englutis grandegan multon da laboroj, kaj kelkaj el ili englutis ankaŭ tre grandajn kapitalojn Z tradukado englutas ja neproduktive grandegan multon da laboroj Z
englutemeco eco de iu aŭ io inklina engluti: la homaranismo ĉian englutemecon de nacioj kaj lingvoj fortaj kontraŭ malfortaj nomas «barbareco» Z
forgluti (figurasence) malaperigi ion kvazaŭ per engluto: tiun trezoron ŝian monon forglutis la kameno, en kiu ĉiutage brulis fajro Z volonte estas forglutataj tutaj silaboj malklare duone prononcataj Z la angla lingvo kvazaŭ forglutas tutajn aliajn lingvojn kaj kulturojn OE li silentis, forglutante siajn timojn
forglutiĝi fariĝi forglutita: dank’ al la aŭtovojoj, tiuj 270 kilometroj forglutiĝas en tri horoj CPi
misgluti glutante, enlasi iom da substanco en la traĥeon.