PIV 2026 · Artikolo 687

amortizi

Litero A

Derivaĵoj en la artikolo 4
  1. amortiza
  2. amortizo
  3. amortiziĝ/a
  4. amortizil/o
amortizi tr
1 EKON nuligi ŝuldon per regulaj (monataj aŭ jaraj) partopagoj: tiu ŝtata deprunto estos amortizita en dudek jaroj
2 EKON en la jaraj kontoj de entrepreno aŭ de privatulo kalkuli la malplivaloriĝon de elementoj de fiksa aktivo laŭ ilia probabla daŭro: la aĉetprezo de aŭtomobilo estas amortizota en kvin jaroj la enspezoj multoble amortizis la komencajn investojn JCl
3 FIZI malpliigi la amplitudon de laŭtempe sinsekvaj osciloj laŭ la tempo: amortizita oscilado neamortizita oscilado ➞ atenui.
amortiza rilata al amortizo: amortiza rezistanco
amortizo amortiza ago, procezo aŭ fenomeno: amortizo de prunto amortizo de ŝuldo la amortizo de la maŝinaro la amortizo de la konstruaĵoj amortizo de kordvibrado amortizo de oscilcirkvito la amortizon de la hipoteko oni devis ŝpari el la manĝelspezoj FSz
amortiziĝa tia, ke ĝi iĝas amortizita: la sonforto malkreskis kaj la amortiziĝa tempo fariĝis sesoble pli longa OHa
amortizilo FIZI aparato por amortizi 3. ➞ skusorbilo.