PIV 2026 · Artikolo 11140
★nutri
Derivaĵoj en la artikolo 20
★ nutri tr
1 doni al vivanta estaĵo la manĝaĵon necesan por subteni la fortojn kaj daŭrigi la vivon: estas sufiĉe da kaprina lakto, por nutri vin, por nutri vian domon MT nutru min per tiom da pano, kiom mi bezonas MT ili devis nutri sin per paneroj Z la kolomboj ĉiutage estas nutrataj per pizoj kaj greno Z tro nutrata kapro fariĝas kiel apro Z vi estas bone nutrita, dika kaj grasa ! Z prenu ĉi tiun infanon kaj nutru mamnutru ĝin por mi, kaj mi pagos al vi MT
2 havigi al iu vivrimedojn: nia fruktodona lando nutras multenombran loĝantaron B laboro homon nutras Z (figurasence) pastron nutras preĝejo Z malsatulon la fabloj ne nutros Z la buŝo de malsaĝuloj nutras sin per malsaĝeco MT nutri per promesoj Z nutri sin per ĥimeroj
3 provizi ion per la necesa materialo, por ke ĝi daŭru aŭ funkciu plu: nutri fajron Z nutri vapormaŝinon per akvo nutri antenon per kurento
4 (figurasence) helpi al la daŭro de sento, deziro aŭ intenco: nutri la spiriton per altaj pensoj nutri sian amon per espero nutri esperon Z tio nutris lian malamon tio nutris lian ĉagrenon mi ne devas herede nutri intergentan disecon Z
nutra
1 tia, ke ĝi nutras: lakto estas pli nutra, ol vino FE de semo putra venas frukto ne nutra Z trinkaĵoj sen nutra enhavo Z (figurasence) la nutra akvo de kaldrono
2 rilata al nutrado.
nutro ago nutri kaj ties rezulto: ĉi tio kaj bona nutro por viaj ostoj MT (figurasence) tio aldonis ankoraŭ pli da nutro al ilia ridado Z ➞ manĝaĵo, nutromanko, nutromedio.
nutrado ago de iu aŭ io nutranta: mortigado de bestoj por la celoj de nia nutrado FK la servistinoj zorgas pri la nutrado de la idoj funto da tritiko estas sufiĉa por la taga nutrado de homo Z rimedoj de nutrado Z perturboj en la nutrado (figurasence) nutrado de baterio
nutradisto specialisto pri nutrado kaj la nutra valoro de diversaj manĝaĵoj.
nutraĵo nutra manĝaĵo: la terpomoj estas bongusta nutraĵo B (figurasence) lampo ricevas sian nutraĵon de la oleo Z
nutrantino virino, kiu nutras infanon: ĉu mi voku al vi virinon nutrantinon el la Hebreinoj, ke ŝi nutru por vi la infanon? MT ➞ suĉigi.
nutriĝo sinnutrado: nutriĝo kaj reproduktiĝo estas du ĉefaj funkcioj de la vivuloj
nutristino virino, kiu mamnutras fremdan infanon: iliaj princinoj estos viaj nutristinoj MT fabeloj de nutristinoj
bek1nutri tr nutri birdidon ŝutante nutraĵon en ĝian bekon.
mamnutri nutri iun per la lakto de siaj mamoj: kiu dirus , ke Sara mamnutros infanojn? MT tridek mamnutrantaj kameloj kun iliaj idoj MT ➞ mamsuĉigi.
mamnutrinto, mamnutrintino iu, kiu mamnutris: Debora, la mamnutrintino de Rebeka MT
misnutrado subnutrado.
sat1nutri ĝissate nutri: la edzinoj ne satnutros ilin per hordea supo B
sinnutrado nutrado de si. Sin. nutriĝo.
subnutri ne sufiĉe nutri; nutri per manĝaĵoj, kiuj ne entenas sufiĉe da kalorioj aŭ da necesaj nutraĵoj: la subnutritaj gentoj de Afriko
subnutrado ago subnutri, aŭ la rezulto de tiu ago. Sin. misnutrado.
supernutri doni al iu pli ol la normalan kvanton da nutraĵo: supernutri malsanulon (figurasence) supernutri motoron
ŝparnutraĵo MEDI tia nutraĵo, kiu ebligas manĝi malpli, utiligante la substancojn jam akiritajn de la korpo (ekz. teo, kafo aŭ kolao).
ŝtopnutri perforte engorĝigi al besto nutraĵon por pli grasigi ĝin: ŝtopnutri anseron