PIV 2026 · Artikolo 2706

★ĉerpi

Litero Ĉ★ Fundamenta

Derivaĵoj en la artikolo 11
  1. ĉerpo
  2. ĉerpad/o
  3. ĉerpet/o
  4. ĉerpil/o
  5. baskulĉerpil/o
  6. deĉerpi
  7. elĉerpi
  8. elĉerpiĝ/i
  9. elĉerpiĝ/o
  10. ne/elĉerpebl/a
  11. subĉerpi
★ ĉerpi tr
1 elpreni likvon per la mano aŭ ilo: ŝi ĉerpis akvon en la plej pura loko de la fonto FE ĉerpi vinon el kratero trinku vi, kaj ankaŭ por viaj kameloj mi ĉerpos MT
(figurasence) vi ĉerpos kun ĝojo akvon el la fontoj de la savo MT ĉerpi akvon per kribrilo vane peni Z
2 elpreni ion por sia uzo: ĉerpi dokumentojn el la fonto mem ĉerpi librojn el biblioteko el la tempo pasinta ni ĉerpu instruon por la tempo venonta Z en niaj kongresaj festoj ni ĉerpu kuraĝon kaj forton por la laboroj de la jaro venonta Z ni ĉerpu inspiron kaj instruon de la islandanoj MFe ĉerpi konsolon el preĝo Z ĉerpi utilon el vojaĝo
ĉerpo
1 unuopa ago de iu, kiu ĉerpas.
2 tio, kion oni ĉerpas.
ĉerpado daŭra aŭ ripetita ago de ĉerpanto.
ĉerpeto malgranda ĉerpo: alporti al mi ĉerpeton da akvo Z
ĉerpilo
1 vazeto por ĉerpi akvon el barelo ktp.
2 longtenila kulero, por ĉerpi el poto k.s.
3 MARN speco de kava ŝovelilo, por ĉerpi akvon el la fundo de boato. ➞ ŝkopo.
baskulĉerpilo baskulanta stango kun sitelo ĉe unu fino, por levi akvon el la tero. ➞ baskulputo.
deĉerpi depreni per ĉerpado: la musoj en la laktejo deĉerpas la kremon de plado kaj poste lekas sian voston Z
elĉerpi
1 tute elpreni likvon el ujo: ili elĉerpis ĝis la lasta guto de akvo (analoge) li elĉerpis la favoron de la mastro
2 tute malplenigi, uzante la entenataĵon: elĉerpi ies kelon elĉerpi barelon da biero elĉerpi fonton de nafto ĉu la donacoj povis elĉerpi la trezorejon de mia patro? B kiam pasos la tri jaroj, li reprenas la teron elĉerpitan B
3 ĝisfine eluzi; tute konsumi: elĉerpi sian monon elĉerpi la programon de la festo elĉerpita eldono de libro
(figurasence) elĉerpi la temojn de parolado elĉerpi ĉiujn eblojn de solvo mia pacienco estas tute elĉerpita Z la ĝis nun ankoraŭ ne tute elĉerpita energio de la volo Z
➞ elsekigi, elsuĉi.
elĉerpiĝi iĝi ĉerpita: la pano elĉerpiĝis en nia sako MT mia mono preskaŭ elĉerpiĝis CRo
elĉerpiĝo stato de iu aŭ io elĉerpita: besto pelata ĝis plena elĉerpiĝo de ĝiaj fortoj
neelĉerpebla tia, ke oni ne povas ĝin elĉerpi: neelĉerpebla bona humoro Z neelĉerpebla fonto neelĉerpebla graco
subĉerpi ĉerpi likvon sub la supraĵo, per sifono aŭ alie, por ne skui ĝin kaj ne ricevi ion el la feĉo.