PIV 2026 · Artikolo 12859

proporcio

Litero P

Derivaĵoj en la artikolo 8
  1. proporcia
  2. proporcie
  3. proporciec/o
  4. bild/oproporcio
  5. mezproporcia
  6. misproporcia
  7. misproporcio
  8. or/a proporcio
proporcio
1 rilato de la partoj inter si kaj al la tuto: fenestroj de admirinda proporcio observi la proporciojn en la projektado de urbodomo
2 grandeco de objekto rilate al alia analoga objekto rigardata kiel tipo: la speguloj ĉion pligrandigadis en nekredebla proporcio Z statuo de kolosaj proporcioj
3 grandeco de afero rilate al alia, kiu kreskas aŭ malkreskas samtempe kaj samgrade kiel la unua: devas esti severa proporcio inter la kulpoj kaj la punoj lia sukceso estas sen proporcio kun lia talento en inversa proporcio kun
4 MATE kvociento uzata por kompari du nombrojn, esprimanta kiel ili rilatas multiplike: tiuj nombroj estas en la proporcio de 3 al 2 ilia kvociento estas 3/2 la proporcioj 1:5 kaj 20:100 estas unu sama Sin. rilatumo. ➞ ora proporcio.
proporcia
1 havanta kun alia kvanto rilaton de proporcio 3 aŭ proporcio 4: la pezo kaj la volumeno estas proporciaj B la nombro de la delegitoj devas esti proporcia al la alteco de la kotizo Z la grado de bonstato de la laboristo estas rekte proporcia al la grado de perfekteco de la laboraĵo Z al ĉiu homa estaĵo oni devas doni kvanton da rajtoj kaj rimedoj precize proporcian al la kvanto da devoj kaj respondeco Z
2 MATE estanta oblo de alia grando (per konstanto).
proporcie en proporcia maniero: pagi proporcie al la farita tasko
proporcieco eco aŭ grado de io proporcia: li bazis la belon de siaj konstruaĵoj sur proporcieco de la partoj JMu/IMu la vizaĝoj estis tiom strange fremdaj: el ilia nekutima proporcieco verŝiĝas samtempe bonvolo kaj repuŝa nealproksimeblo SSz
bildoproporcio FOTO proporcio 4 de bildo, filmo aŭ ekrano, ĝenerale esprimita kiel larĝo rilate al alto: larĝekrana filmo kutime havas bildoproporcion 16:9
mezproporcia
1 havanta mezan proporcion.
2 MATE estanta la geometria meznombro de du aliaj grandoj.
misproporcia prezentanta malĝustajn proporciojn: misproporcia korpo CPi la ĉeesto de la ĝendarmoj, misproporcia antaŭ familiaj, neperfortaj manifestantoj, estigis denove stratbatalon Ko
misproporcio malĝusta aŭ nenormala proporcio: misproporcio inter la brusto kaj la malfortikaj kruroj CPi
ora proporcio la nombro ½(√5 − 1) (proks. 0,618), responda al aparte harmonia proporcio en arto.