PIV 2026 · Artikolo 12858

★proponi

Litero P★ Fundamenta

Derivaĵoj en la artikolo 5
  1. propono
  2. proponad/o
  3. kontraŭpropono
  4. leĝopropono
  5. pliproponi
★ proponi tr
1 prezenti ion al ies juĝo; antaŭmeti diskutotaĵon: homo proponas, Dio disponas Z ekzemplo proponas, sed ne ordonas Z proponi ion al la publika kritiko oni eble ankaŭ proponos la aranĝon de kelkaj festoj intergentaj Z multaj ŝanĝoj estas proponataj , ĉiu proponas laŭ sia bontrovo Z personoj, kiujn ĝi proponas elekti LEsp bona estas la afero, kiun vi proponis fari MT mi proponas, ke ni honoru ilian memoron per leviĝo de niaj seĝoj Z Javal proponas, ke la dua kongreso okazu en Anglio GWa la nun proponatan broŝuron la leganto kredeble prenos en la manojn kun malkonfido Z la ŝanĝoj, kiuj estis proponitaj de multaj amikoj Z ili la reformoj devas esti ne fragmentaj, kiel la ĝisnune proponitaj Z
2 prezenti al iu ion ne petitan, por ke tiu disponu pri ĝi: mi povas proponi vete nur buŝelon da pomoj Z dronanto domon proponas, savito eĉ brikon ne donas Z proponi al iu siajn servojn Z proponi al iu rekompencon B proponi al mastro sian laborforton proponi varon al kliento verkoj, proponataj al la socio Z ŝi proponis sin kiel servistinon Z (figurasence) la maturaj sukoplenaj fruktoj falis al Helga en la manon kaj sin mem proponis kiel refreŝigaĵon Z
1 Proprasence oni prezentas ion al iu, supozante, ke li/ŝi ĝin akceptos; oni proponas ion al iu, petante ke li/ŝi ĝin ekzamenu, aŭ esperante, ke li/ŝi ĝin uzos; oni oferas al iu ion, kion oni multe ŝatas, kredante, ke li/ŝi senkoleriĝos aŭ plenumos onian deziron; oni ofertas varon aŭ servon al kliento kontraŭ difinita prezo.
propono
1 io, kion iu proponas: akcepti ies proponon Z forĵeti ies proponon Z diskuti ies proponon Z la plej granda parto de la nunaj proponoj montriĝos tute senutilaj Z al tiu ĉi kategorio de proponoj apartenas jenaj aferoj Z lia propono gastigi nin Z
2 ago proponi: pro kio do tiuj reformoj, kies sola propono estas jam danĝera por la lingvo? Z
proponado
1 agado proponi: opinio pri la proponitaj ŝanĝoj, pri iliaj manieroj de proponado Z
2 EKON ofertado: la proponado de laboro multe superas ĝian postuladon Z laŭ la ekonomia leĝo pri proponado kaj postulado la elektoprezo certe altiĝos EVB
kontraŭpropono propono, kiun oni kontraŭmetas al antaŭa propono por ĝin plibonigi aŭ tute transformi.
leĝopropono malneto de proponata leĝo diskutata en parlamento: la brita parlamentano formulis sian ideon en leĝpropono ILa jen leĝpropono konsiderata de la japana parlamento IsT Sin. leĝprojekto.
pliproponi en negoco, aŭkcio k.s. proponi pli altan prezon ol la antaŭaj proponintoj: li pliproponis je tri dolaroj