★propon/i

1 Prezenti al ies juĝo; antaŭmeti diskutotaĵon: homo proponas, Dio disponas ^Z; ekzemplo proponas, sed ne ordonas ^Z; proponi ion al la publika kritiko; oni eble proponos la aranĝon de festoj intergentaj ^Z; ĉiu proponas ŝanĝojn laŭ sia bontrovo ^Z; personoj, kiujn ĝi proponas elekti ^Z; bona estas la afero, kiun vi proponis fari ^X; mi proponas, ke ni honoru ilian memoron per leviĝo de niaj seĝoj ^Z; la grupo proponis, ke la proksima kongreso okazu en P.; la nun proponatan broŝuron la leganto kredeble prenos en la manojn kun malkonfido ^Z; la ŝanĝoj, kiuj estis proponitaj de multaj amikoj ^Z; la reformoj ne devas esti fragmentaj, kiel la ĝisnune proponitaj ^Z.

2 Prezenti al iu ion ne petitan, por ke tiu disponu pri ĝi: mi povas proponi vete nur buŝelon da pomoj ^Z; dronanto domon proponas, savito eĉ brikon ne donas ^Z; proponi al iu siajn servojn ^Z, rekompencon ^B; proponi al mastro sian laborforton; proponi varon al kliento; verkoj, proponataj al la socio ^Z; ŝi proponis sin kiel servistinon ^Z; (f) la sukoplenaj fruktoj falis al ŝi en la manon k sin mem proponis kiel refreŝigaĵon ^Z. Rim. Proprasence oni prezentas ion al iu, supozante, ke li/ŝi ĝin akceptos; oni proponas ion al iu, petante ke li/ŝi ĝin ekzamenu, aŭ esperante, ke li/ŝi ĝin uzos; oni oferas al iu ion, kion oni multe ŝatas, kredante, ke li/ŝi senkoleriĝos aŭ plenumos onian deziron.