PIV 2026 · Artikolo 11204

★oferi

Litero O★ Fundamenta

Derivaĵoj en la artikolo 19
  1. ofere
  2. ofero
  3. oferad/o
  4. oferaĵ/o
  5. oferem/a
  6. brulofero
  7. buĉofero
  8. dankofero
  9. fajrofero
  10. foroferi
  11. mes1ofero
  12. monofero
  13. pacofero
  14. pekofero
  15. si/nofero
  16. si/noferem/a
  17. taŭrofero
  18. verŝofero
  19. votofero
★ oferi tr
1 RELI donaci vegetaĵon, beston, objekton al diaĵo, ofte laŭ difinitaj ritoj: ili al la altar’ min tiris kaj oferis
Ĉi tiun kapon al Diano Z
Abraham prenis la virŝafon, kaj oferis ĝin MT oferi fruktojn de la tero oferi spikofaskojn li estis oferota sur la ŝtono de sango Z (figurasence) faras rabon kaj ŝtelon, por oferi al Dio kandelon Z ➞ dediĉi, diservi, konsekri.
2 fordoni ion valoran por akiri alion, kion oni rigardas kiel pli valoran: mi devis oferi la agrablan pro la utila Z ni devas oferi la personon pro la ideo kaj ne la ideon pro la persono Z al la malgrava principo, elmetita pro montro kaj allogo, estas oferitaj la principoj plej gravaj Z mi esperas, ke ili oferos siajn personajn gustojn kaj opiniojn por la bono de nia afero Z nun, por eviti grandegan malfeliĉon, vi ne volas oferi eĉ vorteton de malvero Z
3 fordoni ion valoran por la servo aŭ utilo de io aŭ iu: al la afero, kiun mi nun proponas al la leganta publiko, mi oferis miajn plej bonajn jarojn Z pionire oferi sian tempon al Esperanto Z la leganto, pro la graveco de la afero, volonte oferos al ĝi iom da pacienco Z oferi sian vivon al la scienco montru al li dankon, se pli oferi vi al li ne povas Z Bulonjo-sur-Maro bonvole oferis gastamon gastigon al nia kongreso Z al knabino nekonata
Tro multe vi oferas edzinigon Z
➞ dediĉi, proponi, prezenti; oferdoni.
1 Ne uzu oferi en la sencoj de proponi, oferti, donaci aŭ regali. ➞ proponi Rim.
ofere kiel ofero: farinte sanktan promeson, li alportas ofere al la Sinjoro kriplaĵon MT multo da laboroj iris ofere por tiu ĉi ideo Z
ofero
1 io, kio estas oferata: la oferojn, donacatajn al Mi, ili buĉas nur pro viando, por ĝin manĝi MT alporti oferojn sur la altarojn
(figurasence) espero postulas oferon Z la lernado de kiu ajn nacia lingvo postulas grandajn oferojn de tempo kaj mono Z nenia ofero estus tro granda, se ni povus per ĝi akiri al ni lingvon komunehoman Z grandaj suferoj kaj oferoj Z
2 oferado: rapidu, ho pastrin’, kun la ofero! Z
oferado ceremonio, dum kiu oni faras oferon: fari oferadon al Baal MT Sin. oferfaro.
oferaĵo
1 objekto, kiun oni oferas.
oferema volonte oferanta (sian monon, tempon k.s.)
brulofero BIBL bruto aŭ birdo, kiun oni bruligas sur altaro por plaĉi al Dio: la brulofero restu sur la fajrujo sur la altaro dum tuta nokto MT li prenis el ĉiuj puraj brutoj kaj el ĉiuj puraj birdoj kaj oferis bruloferojn sur la altaro MT forbruligu la tutan virŝafon sur la altaro; ĝi estas brulofero por la Eternulo MT
buĉofero BIBL buĉo de homo aŭ besto kiel ofero al dio: la sango de viaj buĉoferoj estu elverŝata sur la altaron MT obeado estas pli bona ol buĉofero MT
dankofero BIBL ofero por danki al Dio: ĉiuj ĝiaj fruktoj estu sanktaj, dankoferoj al la Eternulo MT
fajrofero BIBL ofero per fajro: la pastro bruligos la promemoran parton el ĝia grajnaĵo kaj el ĝia oleo kun ĝia tuta olibano, kiel fajroferon al la Eternulo MT
foroferi memvole perdi iun aŭ ion tre valoran, por utilo aŭ bono de iu aŭ io: foroferi siajn amikojn por sia sendanĝereco sin foroferi por la publika utilo
mes1ofero KRIS la simbola renovigo de la morto de Kristo per rompo de la hostio kaj verŝo de la vino.
monofero donaco de mono kiel kontribuo al bonfarado, servado k.s.
pacofero BIBL ofero celata al paco: el la virŝafo li faros pacoferon al la Eternulo MT
pekofero BIBL ofero por kompensi pekon: la karnon de la bovido forbruligu per fajro ekster la tendaro; ĝi estas pekofero MT
sinofero virto de iu, kiu oferas sian tempon, komforton k.c., por helpi al aliaj. ➞ sindono.
sinoferema inklina al sinofero: sinoferema kamarado
taŭrofero RELI ekz. en mitraismo ofero de taŭro.
verŝofero RELI (precipe BIBL) ofero konsistanta el verŝado de likvo, precipe oleo aŭ vino: oni verŝis verŝoferojn al aliaj dioj MT
votofero ofero farita sekve de voto.