PIV 2026 · Artikolo 13248
redukti
Derivaĵoj en la artikolo 6
redukti tr
1 alkonduki ion al malpli grandaj proporcioj, dimensioj k.s., konservante tamen la ĝeneralan originan strukturon: li reduktis la tutan sumon de la homaj ideoj al ĉirkaŭ 500 fundamentaj kaj komunaj Z redukti geometrian figuron B la direkcio de la fabriko decidis redukti la nombron de la laboristoj la direkcio de la fabriko decidis redukti la nombron de la laborhoroj oni devis redukti la programon de loĝejkonstruado ➞ limigi.
2 (figurasence) alkonduki iun al malpli bona aŭ malpli libera stato: la regno estis reduktita al stato de rusa provinco redukti iun al silento redukti iun al mizero
3 KEMI aldoni elektrono(j)n al atomo, molekulo aŭ jono forprenante ilin de oksidata aŭ reduktanta substanco: redukti kupran oksidon al kupro redukti kvarvalentan titanon 1 al trivalenta
4 MEDI fari redukton.
redukta rilata al redukto: redukta peco por kunligi du tubojn de malsamaj larĝoj
redukto
1 ago redukti: ĝenerala redukto de ĉiuj elspezoj en la nova buĝeto
2 KEMI operacio, per kiu oni reduktas ĥemiaĵon: redukto de salo
3 MEDI manovro, per kiu oni relokas jen rompitan aŭ luksaciitan oston, jen delokitan organon (hernio aŭ fimozo). ➞ taksiso.
reduktanto
1 iu, kiu reduktas.
2 KEMI reduktanta substanco.
3 FOTO ĥemiaĵo, kiu aperigas la latentan bildon de impresita arĝenta bromido, reduktante el tiu ĉi salo la metalan arĝenton, kiu formos la bildon. ➞ rivelanto.
reduktejo ARME fortikaĵo interne de fortreso aŭ defendolinio, kien la garnizono retiriĝas post lasta defendo, kiam la eksteraj pozicioj estas okupitaj de la malamiko.
reduktiĝi iĝi reduktita: sub efiko de varmo la erco reduktiĝas al pura metalo (figurasence) finfine la tuta malkonsento reduktiĝas al diskuto pri la senco de unu vorto
oksido-reduktiĝo reakcio, en kiu unu substanco oksidiĝas, dum alia samtempe reduktiĝas.➞ redokso.