PIV 2026 · Artikolo 4713

★fortika

Litero F★ Fundamenta

Derivaĵoj en la artikolo 12
  1. fortike
  2. fortikaĵ/o
  3. fortikaĵ/et/o
  4. fortikec/o
  5. fortikig/i
  6. fortikiĝ/i
  7. fortikiĝ/o
  8. alfortikig/i
  9. ĉirkaŭfortikaĵ/o
  10. enfortikiĝ/i
  11. malfortika
  12. malfortikig/i
★ fortika
1 havanta firman, rezistan kaj malfacile difekteblan konsiston: fortika drapo fortika vesto MT fortikaj ankroŝnuroj Z ili plektis fortikan reton Z ĉevalo kun kvar graciaj fortikaj kruroj Z fortika bastono fortika turo MT fortika muro fortika armeo Z ➞ forta, masiva, solida; fero 3, ŝtala 3.
2 (figurasence) malfacile rompebla, venkebla aŭ detruebla: fortika sano ĉe multe da konsilantoj ili la entreprenoj restas fortikaj MT fortika estas mia koro, ho Dio MT ĉu la mondo havu de nun fortikan pacon Z vitro kaj feliĉo ne estas fortikaj Z mono publika estu fortika Z fortika konscienco fortika amikeco Z fortika argumento malfacile refutebla brilo fortika neestingebla Z homa vivo
Ne estas ja fortika Z
3 provizita per remparoj: fortika urbo MT fortika loko
fortike en fortika maniero: kiu konstruas la plej fortike? Z ĝi enfrostiĝis fortike en la glacion Z li fortike alkroĉiĝis al trunketaĵoj kaj grimpis supren Z ŝi ektimis kaj volis deĵeti la ruĝajn ŝuojn, sed ili sidis fortike Z nia afero staros en nia regno tiel fortike, kiel en aliaj landoj Z li havas la kapon fortike sur la kolo oni devas kalkuli kun li Z unu bildo restis tute fortike en lia animo Z
fortikaĵo ARME
1 ĉia konstruo de milita defendo: stelformaj fortikaĵoj sieĝa fortikaĵo de sieĝanto MT faligi fortikaĵon MT (figurasence) ataki la fortikaĵon de la malamataj konservativuloj Z
fortikaĵeto ARME fuorto.
fortikeco eco de io fortika: fortikeco de la muskoloj Z fortikeco de la karaktero Z
fortikigi fari ion fortika, aŭ pli fortika: li fortikigas tion per najloj, ke ĝi ne ŝanceliĝu MT fortikigi brakojn MT fortikigi ostojn MT fortikigi landon MT fortikigi regnon MT fortikigi la amon Z urbon fortikigitan Vi faris ruino MT
fortikiĝi iĝi fortika aŭ pli fortika: tiel longe, kiel la filo de Jiŝaj vivos , ne fortikiĝos vi nek via regno MT se oni nur ne distranĉas facilanime la korpon, la spirito restas kaj fortikiĝas Z lingvo internacia fortikiĝos por ĉiam nur , se ekzistos ia grupo da homoj, kiu akceptus ĝin kiel sian lingvon familian Z
fortikiĝo ago fortikiĝi, aŭ ties rezulto: ĝis la plena fortikiĝo de Esperanto en la mondo Z
alfortikigi fari ion fortike fiksita: ĉu la fenestraj kovriloj estas bone alfortikigitaj Z
ĉirkaŭfortikaĵo fortikaĵo, kiun malamika armeo konstruas ĉirkaŭ urbo por blokadi ĝin.
enfortikiĝi akiri fortikecon en ia medio: aliaj esprimoj ne enfortikiĝis en la uzado Z ➞ enradikiĝi.
malfortika facile difektebla: malfortika apogilo malfortika organismo pro la malfortika bindo la libro estas disfalema OE tiu ĉi novaĵo ne estas por malfortika korpo de maljunulo Z malfortikaj kaj maljustaj kompromisoj Z
malfortikigi
1 fari ion malfortika: ŝi ree alfortikigis kelkajn simplajn florojn, kiujn la dancado malfortikigis Z
2 ARME detrui la fortikaĵojn de urbo ktp.