PIV Reta Vortaro

PIV 2020 · 11250

oksid⁴o La rezulto de la kombinado de oksigeno kun malpli elektronnegativa elemento.

oksidi ()

1 Ŝanĝi, pli-malpli komplete, en oksidon; difekti per kombino kun oksigeno: feron oksidas la malsekeco; oksidita vino.

2 Forpreni elektronojn de substanco: oksidi Fe(II) al Fe(III). redukti, oksido-reduktiĝo, redokso.

oksidado. Ago de io, kio oksidas: malrapida oksidado.

oksidazo. Enzimo, kiu katalizas oksidajn reakciojn.

antioksidanto. Substanco, kiu malakcelas la oksidiĝon.

neoksidebla. Tia, ke ĝi ne povas esti oksidata: plateno estas neoksidebla.

dioksido. Oksido kun du oksigenatomoj: karbona dioksido ( karbono).

hidroksido. Kombinaĵo de la anjono OH kun katjono: KOH, potaso, estas kalia hidroksido.

monooksido. Oksido kun unu oksigenatomo: karbona monooksido ( karbono).

peroksido. Oksido, kies oksigen-enteno estas pli granda ol tiu de la plej kutima oksido: hidrogena peroksido (aŭ oksigena akvo), H₂O₂; natria oksido (Na₂O), natria peroksido (Na₂O₂); peroksidoj estas ofte malstabilaj k facile malkomponiĝas al normala oksido k libera oksigeno.

peroksidi ()

1 Oksidi substancon al pli alta oksida grado ol normale.

2 Tre heligi la harojn, uzante peroksidon: peroksidita blondulino.

peroksidazo. Enzimo, kiu katalizas peroksidajn reakciojn, ĝenerale la malkomponiĝon: H₂O₂ → H₂O + ½O₂.

senoksidigi. Purigi la surfacon de objekto, forigante la oksidojn.