PIV 2026 · Artikolo 14899

strukturo

Litero S

Derivaĵoj en la artikolo 9
  1. struktura
  2. strukturi
  3. strukturad/o
  4. strukturism/o
  5. bend/ostrukturo
  6. datumstrukturo
  7. dosier/uj/a strukturo
  8. fajn/a strukturo
  9. mikrostrukturo
strukturo SCIE
1 maniero, en kiu estas kunaranĝitaj la diversaj partoj de konstruo, maŝino, rokaĵo, organismo, histo aŭ la diversaj eroj de ĥemia substanco: ni konas la strukturon de la ĉiela firmamento B substancoj de fajna strukturo konservas eĉ karbo la strukturon de l’ arbo Z la ornamaĵoj devas emfazi, ne kaŝi la strukturon de la kupolo
FIZI GEOL strukturo de atomo strukturo de kristalo strukturo de mineralo strukturo de rokaĵo strukturo de tereno strukturo de terglobo grajna strukturo
ANAT strukturo de la homa korpo strukturo de organo strukturo de histo strukturo de ĉelo
➞ teksturo.
2 SOCI maniero, en kiu la diversaj partoj de homa kreaĵo, socio, verko k.s. estas kunaranĝitaj en unu tuton: la agrara strukturo de Hispanujo administracia strukturo ekonomia strukturo socia strukturo travidebla estas la strukturo de tiu poemo frazo de malstrikta strukturo originala strukturo de Esperanto
struktura rilata al strukturo: strukturaj reformoj en ŝtato
strukturi tr
1 doni strukturon al io: via tezo ne estas sufiĉe forte strukturita
2 KOMP prepari 5.
strukturado ago strukturi: la strukturado de teritorio en ekonomia unuopo
strukturismo SCIE en la sociaj sciencoj scienca teorio, kiu eliras de sinkrona pensmaniero kaj celas difini la homajn faktojn rilate al kaj depende de struktura tutaĵo kaj klarigi ilin per matematikaj modeloj.
bendostrukturo FIZI en kristalo strukturo de energibendoj.
datumstrukturo KOMP maniero aranĝi kolekton da datumoj en komputila memoro. ➞ tabelo, listo.
dosieruja strukturo KOMP aranĝo de dosierujoj, ofte en la formo de arbo 3.
fajna strukturo FIZI maldegeneriĝo de kvantumstatoj pro relativecaj efikoj.
mikrostrukturo mikroskope fajna strukturo de materialo aŭ ŝtofo.