PIV 2026 · Artikolo 8121

★kombini

Litero K★ Fundamenta

Derivaĵoj en la artikolo 15
  1. kombino
  2. kombinad/o
  3. kombinaĵ/o
  4. linear/a kombinaĵ/o
  5. kombiniĝ/i
  6. kombiniĝ/em/a
  7. kombiniĝ/em/o
  8. kombinil/o
  9. kombinum/o
  10. literkombino
  11. literkombinaĵ/o
  12. malkombini
  13. malkombiniĝ/a
  14. malkombiniĝ/i
  15. rekombiniĝ/o
★ kombini tr
1 kunigi elementojn en difinita ordo; laŭcele aranĝi: kombini literojn kombini ciferojn kombini kartojn
2 KEMI unuigi molekulojn de du aŭ pluraj substancoj laŭ difinita proporcio, por formi novan korpon. ➞ komponi, sintezi.
3 interaranĝi ideojn por konduki al konkludo, aŭ rimedojn por estigi rezulton: kombini projekton kombini manovrojn kombini draman intrigon venis la momento de l’ agado, kaj en la sama tago Ramzes kombinis planon B ➞ ŝpini, teksi.
kombino kuniĝo de du elementoj aŭ pli:li estas kombino de ĉarlatano kaj trud-vendisto CRo en kombino de la tri formoj ILa
kombinado ago de iu, kiu kombinas: teorie la kombinado de «da» kun «la» ne estas malpermesata Z la diversajn detalaĵojn de la homa esprimado ĝi lasas al la kombinado de la uzantoj mem Z komparado kaj kombinado de la bagatelaĵaj ciferoj Z
kombinaĵo
1 rezulto de kombinado: elskribi ĉiujn eblajn kombinaĵojn unusilabajn, kiujn oni povas kunmeti el la diversaj literoj Z mia korpo estas nur kombinaĵo de organoj UMa kombinaĵo el sentoj kaj ideoj CPi
2 KEMI homogena kunaĵo, disigebla nur ĥemie. ➞ komponaĵo, kunmetaĵo, miksaĵo, solvaĵo.
3 MATE aro de k elementoj elektita el aro de n elementoj; la nombro de tiaj aroj estas C(n,k) = n!/k!(n − k)!: el la kvar elementoj a, b, c, d oni povas formi ses kombinaĵojn kun du elementoj, nome ab, ac, ad, bc, bd, cd C(4,2) = 6 ➞ aranĝaĵo, permutaĵo.
lineara kombinaĵo MATE pri vektoroj sumo de tiuj vektoroj multiplikitaj per skalaroj (nomataj koeficientoj).
kombiniĝi iĝi kombinita: kloro kaj hidrogeno kombiniĝas en hidrogenan kloridon
kombiniĝema ema kombiniĝi.
kombiniĝemo eco de kombiniĝemaj personoj, substancoj k.s.: ili havas kombiniĝemon afinecon unu por la alia
kombinilo KOMP ELEK cifereca cirkvito, kiu realigas bulean funkcion: aŭ-figurasence kombinilo kaj-figurasence kombinilo ne-figurasence kombinilo nekaj-figurasence kombinilo neaŭ-figurasence kombinilo
kombinumo = (prefere) kombinato.
literkombino, literkombinaĵo kombinaĵo el du aŭ pli da literoj: aparta litero aŭ literkombino por ĉiu fonemo VBe
malkombini KEMI fari, ke la molekuloj de korpo disiĝu: por analizi nekonatan substancon, oni devas ĝin malkombini
malkombiniĝa rilata al malkombiniĝo: malkombiniĝaj produktoj
malkombiniĝi iĝi malkombinita: nestabilaj produktoj malkombiniĝas per si mem plasto nur malrapide malkombiniĝas
rekombiniĝo
1 FIZI kuniĝo de elektrono kaj truo en duonkonduktanto, aŭ de elektrono kaj pozitiva jono en gaso. ➞ rekombiniĝa erao.
2 BIOL interŝanĝo de DNA inter homologaj kromosomoj (ĉefe dum mejozo), el kiu rezultas novaj kombinaĵoj de genoj en la sekva generacio. ➞ interkruciĝo, kiasmo.